It(em) vande(n) stoete en(de) tebatte wesende tussche(n) h(er) lod(ewijc) py(n)noc ridde(re) in deen side en(de) ja(n)ne va(n) hondshem/ sine(n) wy(n)ne in dande(r) vanden goeden en(de) landen die de selve jan jeg(en) vande(n) vors(creven) h(er) lod(ewijcke) houdende/ es te wy(n)nen Soe sijn beide de vors(creven) p(ar)tien des come(n) voe(r) scep(enen) va(n) lov(en) en(de) sijn va(n) alle den vors(creven)/ stoete bleve(n) in segge(re)n en(de) in vriendel(ike) yffene(re)n dats te weten(e) de vors(creven) h(er) lodewijc in/ vranke(n) mathijs en(de) ja(n)ne yden en(de) de vors(creven) jan va(n) hondshe(m) in sy vand(er) capelle(n) en(de)/ henr(icke) vande(n) putte va(n) meld(er)t in alsulk(er) voege(n) dat de vors(creven) jan sine(n) eysch en(de) sijn/ bescheit ov(er)g(even) sal sine(n) segge(re)n ov(er)geve(n) sal binne(n) viii dage(n) nae ons(er) vrouwe(n) dach/ nativitas naest come(n)de en(de) alsoe dat de vors(creven) h(er) lod(ewijc) sijn v(er)antw(er)den d(aer) op make(n)/ sal binne(n) viii dage(n) d(aer) nae volge(n)de alsoe dat de segge(re)n aensprake en(de) antw(er)de/ va(n) beide(n) p(ar)tien ov(er)gehadt hoe(re) segge(n) op dat sijs va(n) accorde sijn segge(n) en(de) utene(n)/ sele(n) binne(n) eenre maent d(aer) naest volgende En(de) soe waer de segge(re)n des segge(n)s/ niet eens v noch va(n) accorde geworden en conste(n) dat sij dan aensprake en(de) antw(er)de/ va(n) beide den p(ar)tien b(ri)nge(n) sele(n) voe(r) scepen(en) va(n) lov(en) o(m)me d(aer) af een vo(n)nissen/ vande(n) scep(enen) te hebbene gelijc ocht de p(ar)tien des mette(n) rechte gedingt/ hadde En(de) hebbe(n) geloeft de vors(creven) p(ar)tien vast en(de) gestedich te houdene/ soe wes de vors(creven) segge(re)n eendrachtichlec segge(n) sele(n) ocht de scep(enen) va(n)/ lov(en) hen voe(r) vo(n)nisse(n) gheve(n) en(de) la[e]te(n) sele(n) py(n)noc abs(oloens) jul(ii) penult(ima)/