It(em) gheert he(re)nalsteens van ov(er)ysche in jegewordighe d(er) scepen(en) van loven(e)/ ghestaen heeft verhuert en(de) heeft bekent dat hi verhuert heeft pete(re)n van/ nethene(n) en(de) jan van hoeye ene(n) wuw(er) houdende vii dach(mael) of d(aer) omtrent/ gheleghe(n) te ov(er)ysche beneden thof des vors(creven) gheerts ghelijc goird/ he(re)nalsteens sijn vad(er) dien wouw(er) te houdene plach [Te houden] en(de) te hebben van/ halfm(er)te naestleden ene(n) t(er)mijn van vi ja(r)en lang deen nae dand(er) stappa(n)s/ volg(ende) om een sek(er) so(m)me ghels dair af dat de voirs(creven) gheert bekent heeft/ dat hem volcomelec ghenoech ghesciet es ge[Ghe]loeve(n)de de selve gheert gheert/ den vors(creven) pet(ere)n en(de) ja(n)ne vander voirs(creven) hueringhen jeghen ene(n) yeghelike(n)/ warant te sine den voirs(creven) t(er)mijn duerende Ende es vorw(er)de dat de vors(creven)/ pet(er) en(de) jan den vors(creven) wuw(er) ten eynde vanden voirs(creven) t(er)mine laten selen/ ghespijst also sine vonden in hoe(re)n aencomen te weten met vi[c] anthonoys/ xv[c] gruus en(de) iiii bors carp(er)s It(em) es vorw(er)de dat de voirs(creven) gheert/ den voirscr(even) pete(re)n en(de) ja(n)ne den voirs(creven) t(er)mijn duerende hoe(re) vissche die/ sij vanden vors(creven) wuw(er) visschen selen jairlex te lovene leve(re)n sal/ op sine(n) cost Ende [en(de)] des selen de selve pet(er) en(de) jan jaerlex aen de vors(creven)/ wuwe(re) doen verwerken vi dachuren It(em) es vorw(er)de dat de vors(creven)/ p(ar)tien neve(n) den voirs(creven) wuw(er) een savoir selen doen maken ende dat/ dair toe de vors(creven) gheert de gherden levere(n) sal en(de) den wercliede(n)/ hoe(re)n cost gheve(n) en(de) pet(er) en(de) jan vors(creven) selen hen hoe(re) dach(uren) bet(alen)/ boxh(oren) b(er)them jul(ii) xvii