It(em) want stoet en tebat geweest hebbe(n) tusschen pete(re)n boxhoe(re)n [van sintruden] wittichman en(de) mom(boir)/ katlinen docht(er) jans wilen bailhe die ov(er)mids vo(n)nisse van scep(enen) brieven van/ lovene den voirs(creven) wile(n) jan [janne] bailhe bekent van yden wilen blanckarts woenen(de)/ op de m(er)ct de te loven(en) Beleydt en(de) gedaen es met meye(r) en(de) scep(enen) van lov(en)/ tot alle(n) den goede(n) d(er) selv(er) yden in deen zide ja(n)ne vanden brouke en(de) giel(ijs)/ sinen soene in dande(re) side van alsulken goeden als bleve(n) sijn nae de doot/ der voirs(creven) yden blanckarts have en(de) erve Soe sijn beyde de voirs(creven) p(ar)tien/ comen voe(r) scepen(en) van loven(en) en(de) sijn van alle den voirs(creven) stote bleven in/ segghe(re)n en(de) vriendelic yffene(re)n te weten in pete(re)n snopart reyneren/ van b iy nyele diemen heet de putte(re) meest(er) lambrechte motte lod(ewijc)/ gheerlex goirde adaems henr(ic) beeirtra(m)me en(de) mathise tybe en(de)/ ja(n)ne van crenwinckele in alsulk(er) voeghen dat de voirs(creven) segghe(re)n die/vander bey beyd(er) p(ar)tien besceyde wael ov(er)ghehat en(de) geweten hoir/ segghen dair af segghen sele(n) binne(n) iii dage(n) naestcome(n)de en(de) hebbe(n)/ gheloeft beyde de voirs(creven) p(ar)tien vast en(de) ghestedich te houdene Soe/ wes de voirs(creven) segge(re)n dair af segghen en(de) p(ro)nu(n)cie(re)n selen op enen/ band(uyn) van xii cor(onas) vrancr(ijx) tot behoef ons ghenedichs he(re)n van/ brabant voirt heeft geloeft de vors(creven) pet(er) boxh(oeren) hier in te/ vervaene en(de) alsulc te hebben de vors(creven) katline sijn wijf dat/ sij t(er) manissen des vors(creven) jans en(de) giel(ijs) sijns soons tvors(creven) segghe(n)/ gelove(n) sal voir scepen(en) van loven(en) vaste en(de) gestedich te houden(e)/ h(er)tsh(als) capellema(n) jul(ii) v[a]