Item het sijn gevorwert tusschen waelrave(n) van helmont in deen side en(de)/henricke copey hoedmeker in dand(er) side de vorwerde(n) h(ier) nae bescreve(n) inden/iersten hoe waele de voirs(creven) henric ov(er)mids vo(n)nisse en(de) macht van scepen(en) brieve(n)/van loven(en) beleidt es met meye(r) en(de) scepen(en) van loven(en) tot allen den goeden des/voirs(creven) waelravens van helmont voer een schout van iiii [c] l(i)b(ra) oud(er) grote gelijc/scepen(en) brieve van loven(en) daer op gemaect begripen Soe is ghevorwert tussche(n)/hen soe wa(n)neer de voirs(creven) waelrave en(de) lodewijc van loeffen de jonghe den voirs(creven)/henric copey vande(n) voirs(creven) c vrancr(ijx) crone(n) te male v(er)nueght en(de) vol betaelt/selen hebben dat de voirs(creven) henric den voirs(creven) waelrave(n) dan de voirs(creven) scepen(en) brieve/beyde schoutbrief en(de) beleitbrief ov(er)gheve(n) sal sond(er) vertrec sond(er) hem
//
yet meer rechts te hebben of te behoude(n) aen de goede des voirs(creven)/waelravens in eniger manie(re)n daer in wel vercleert dat de voirs(creven)/henric by(n)nen den tide van betalinge(n) der c crone(n) voirs(creven) de voirs(creven) goede/noch belasten vercopen noch verande(re)n en sal also v(er)re hem de voirs(creven)/c crone(n) ten t(er)mine(n) voirs(creven) betaelt worde(n) mar waert alsoe dat de /voirs(creven) henric tot enige(nr) t(er)mine het wae(re) een of meer onbetaelt wae(re)/soe is claerlic ond(er)sproke(n) en(de) ghevurwert dat hi dan hem met sine(n)/voirs(creven) beleitbrieve en(de) scoutbrieve aen den voirs(creven) waelrave(n) en(de) aen/sijn goede rychten sal mogen in wat manie(re)n [dat] dat sij tot den volre/betalingen vande(n) voirs(creven) c crone(n) alsoe v(er)re hi daer af in gebreke wae(re)/nae inhout vande(n) voirs(creven) t(er)mine(n) en(de) vand(er) cost met den rechte daer op/ghegaen en(de) niet vord(er) ende wa(n)neer de voirs(creven) t(er)mine verstreken/en(de) de voirs(creven) c crone(n) vol betaelt selen sijn mett(er) cost voirs(creven) soe/is ond(er)sproken dat de voirs(creven) henric de voirs(creven) scepen(en) brieve [alle] beyde/ov(er)gheve(n) sal den voirs(creven) waelrave(n) gelijc voirscr(even) steet sond(er) argelist/altoes behoudelic dien of henric mids gebreke van betalingen der/c crone(n) of der cost enigen co(m)mer op de voirs(creven) goede gedaen hedde/dat dat sten stentich bliven sal tot eweliken s daghen cor(am) eisd(em)/