It(em) es vorweerde dat alsulken cleynen kystken van scrijnhoute met brieve(n) als de vors(creven) pet(er)/ liggende heeft in deser came(re)n bliven sal ond(er) scepen(en) tot behoef des vors(creven) gorts om ofts/ noet gebuerde en(de) de selve pet(er) den vors(creven) tijt liet overgaen den selve(n) goerde d(aer) mede/ te behulpen en(de) sijne(n) eygen(en) wille d(aer) mede te doen(e) en(de) oft den selve(n) goerde gelieft de/ brieve dair inne liggende te cancelle(re)n en(de) ewech te dragen sonder den voirg(enoemde) pete(re)n/ e(n)nich behulp d(aer) mede te laten gescien voir d(er)re tijt toe dat de selve goerd van/ des vors(creven) es v(er)nuecht en(de) betaelt sal wesen En(de) heeft hie(re)nboven de selve peter noch/ gelooft gesekert en(de) ten heiligen geswoe(re)n dat hij sijne goede hoedanich die sijn/ noch belasten noch v(er)coopen en sal in gheend(er) manie(re)n [eer hij des vors(creven) es voldaen sal hebben] en(de) desgelijcx w(ar) hij in des/ vors(creven) es gebreckelic wae(re) dat hij ter stont nae dat den t(er)mijn [vors(creven)] overleden es comen sal/ in e(n)nige vroente en(de) van dair niet sceyden sond(er) wille en(de) (con)sent des vors(creven) gorts op/ i banduyn van c rijd(ers) Voirtmeer heeft hij gelooft gesekert en(de) ten heyligen geswoe(re)n/ als voe(r) dat hij gheene beleide noch ande(re) brieve vanden dekene(n) oft and(er)ssins op/ sijne goede en heeft noch en sal doen doen die den vors(creven) goerde tegen de vors(creven)/ schout e(n)nichssins hynde(re)n souden mogen oic op i banduyn als voe(r) eisd(em)