Allen den ghenen die dese l(ette)ren selen sien oft hoi(re)n lesen ende besund(er) den/ eerweerdigen en(de) wijsen he(re)n cancell(ie)r en(de) ande(re) vand(en) edele(n) raide ons/ liefs gened(ichs) he(re)n ts(er)togen geordineert in sijne(n) lande va(n) brab(ant) borg(er)meest(ere)n/ scep(enen) en(de) raide d(er) stad va(n) lov(en) saluyt bertij Doen cond en(de) te wete(n) dat/ opde(n) dach dat(um) van dese(n) voir ons come(n) es in p(ro)pe(re)n p(er)sone henric/ taingis(ar)t geheete(n) le febure en(de) heeft mechtich gemaict ge(con)stitueert/ gesedt en(de) volcome(n) macht p(ro)cu(ra)cie en(de) auctoriteyt gegeve(n) arnold(e) kyp/ gerard(e) van baussele meest(er) ja(n)ne lobbe secretar(is) d(er) stad va(n) loven(e) en(de)/ arnold(e) brau geheete(n) vand(er) strate(n) aut alter(i) eor(um) lator(i) p(rese)ntiu(m) alle/ alsulke(r) saken questie(n) en(de) gescille als de vors(creven) henric taingis(ar)t uutstaen(de)/ mach hebben tegen janne masaleyne en(de) janne gielot uut saken van/dien twee mudde(n) corens erfspachts die de selve henric houdt en(de) heeft/op met scep(enen) brieve(n) va(n) loven(e) op seke(re) goede desselfs jans gielot geleg(en)/ te dyoen le vaul en(de) des dien aencleeft Te vervolgen te vorde(re)n texeq(ue)ren/ tege(n) wat p(er)sone(n) dat sij voir de vors(creven) eerw(er)dige en(de) edele he(re)n oft elswair/ voir alle gerichte(n) gheestelic en(de) weerlic den selve(n) erfpacht te mane(n)/ teyssce(n) opte liv(ere)n en(de) tontfange(n) d(aer) voe(r) te pande(n) [en(de)] te daige(n) die selve/ saken te beleyden te bedinge(n) te wyne(n) en(de) te verliese(n) mynlike/(com)posicie en(de) yffeni(n)ge d(aer) af te mak(en) volcome(n) q(ui)tan(cie) d(aer) af te geve(n)/ Ende voirtane g(e)n(er)alic en(de) specialic allet gene d(aer) inne te doene en(de)/ te vorde(re)n dat de selve [vors(creven)] henric selve soude moige(n) doen oft vorde(re)n/ oft hij telke(r) tijt tegewoirdich en(de) voir oge(n) wa(r)e P(ro)mitt(ens) rat(um)/ ja(nuarii) xxv