It(em) henric leesens sone wijlen jacops woenen(de) tegenhoven in p(rese)ncia/ heeft genomen en(de) bekint dat hij genomen heeft van janne vand(er) eycken/ als p(ro)cur(eur) en(de) voirgheng(er) des godshuys van corby de thiende des selfs/ gelegen te berthem over de zijde te winxele weert mett(er) schue(re)n ge/ heeten de vroenhoffschue(re) stallagien en(de) messien aldair en(de) met tween/ dertich boenderen wynnens lants luetel myn oft meer geleg(en) aldair/ in twee stucken dair af deen geleg(en) es neve(n) de kercke van berthem/ over de zijde te cortbeke w(er)t en(de) dand(er) es geleg(en) ald(air) aende steenpoel/ lynde strecken(de) over de bruesselsche herstrate zoe verre thomaes crabbe/ sone wijlen machiels die voirmaels gehoude(n) heeft Te houde(n) te/ hebben en(de) te wynnen van halfmeye lestleden des nu bij eenen/ ja(r)e es eenen t(er)mijn van tweelf ja(r)en lanc v(er)volgen(de) Elx jairs/ dae(re)nbynnen(n) om en(de) voe(r) vijftich mudde(n) rox en(de) vijfentwintich mudde(n)/ even(en) elx grains goet en(de) payabel cu(m) va(n)no et pe(n)na mate(n) van/ loeven(e) ende noch om twintich pet(er)s te xviii st(uvers) tstuc tvoirs(creven)/ greyn sint andriesmisse apostels en(de) tvors(creven) gelt te kersmisse te betale(n)/ en(de) tselve greyn te loeven(e) eene(n) solde(r) hoghe dairt den vors(creven) joh ja(n)ne/ gelieve(n) sal te leve(re)n den selve(n) janne jairlix den vors(creven) t(er)mijn due(re)nde/ quol(ibet) ass(ecutu)[m] It(em) sal de voirs(creven) wynne de vors(creven) lande wynne(n) werven/ en(de) mesten jairlix den voirs(creven) t(er)mijn due(re)nde wel en(de) loflic gelijc reenge/ note(n) bove(n) en(de) beneden en(de) tsijnen afsceiden sal hij die laten te weten/ den wynt(er)art wel en(de) loflic besayt op vier getidege voren den somer/ art half met gherste(n) op drie getidege vore(n) en(de) dand(er) helicht met/ even(en) op twee voren en(de) de brake eens o(m)megedaen It(em) en sal hij/ de vors(creven) lande ten leste(n) ja(r)e niet mogen hoervruchte(n) It(em) sal hij de/ vors(creven) lande tsijnen afsceiden wel en(de) loflic bevreedt en(de) ongegrebt/ laten alsoe datter de ploege en(de) eeghden wel over moigen gaen/ It(em) sal hij op sijne(n) cost jairlix den vors(creven) t(er)mijn due(re)nde alle de st(ra)ten/ omtri(n)t den voirs(creven) goeden liggen(de) maken en(de) de grechte(n) en(de) wat(er)leyen/ ruymen wel en(de) loflic It(em) es vorweerde al wairt datmen inde vors(creven)/ twee stucken lants bevonde dat die niet en hielde(n) de vors(creven) xxxii/ boend(er) dat nochtan de vors(creven) jan vand(er) eycken d(air) af ongehoude(n) sijn/ sal en(de) datmen hem dat niet afcortten en sal It(em) sal de vors(creven) wynne
//
alle ja(r)e sonder afslach van des vors(creven) steet alle laste(n) en(de) co(m)me(re)n/ uuten vors(creven) goeden en(de) thienden gaen(de) betalen alsoe in tijts dat/ den vors(creven) janne vand(er) eyken d(air) af gheen schade en come It(em) sal/ de vors(creven) wynne allet stroe vand(en) vors(creven) lande(n) en(de) thiende(n) comen(de)/ mote(n) bring(en) inde vors(creven) schue(re) en(de) dat ald(air) etten en(de) mest d(air) af/ maken en(de) dat vue(re)n opte vors(creven) lande alsoe wale ten veerste(n) alse/ ten naeste(n) tslants meeste(n) p(ro)fite It(em) sal de vors(creven) wynne de vors(creven)/schue(re) int voirs(creven) hof jairlix moeten leve(re)n tsestich mandele(n) walms/ om die opde huysinge aldair verdect te wordde(n) en(de) alsme(n) die v(er)dect/ sal hij den werclieden den montcost geve(n) en(de) aenhalen al tghene/ des totter rep(ar)acien vand(er) huysing(en) aldair van ouden wercke/ gebreke(n) sal moige(n) Oic sal de wynne de stallaigien ald(air) tsijne(n)/ laste houde(n) vand(er) underster rijkelen nederweert It(em) heeft de vors(creven)/ wynne noch genome(n) en(de) bekint genome(n) te hebben als vo(r)e tegen/ den vors(creven) janne den vors(creven) t(er)mijn lanc due(re)nde eene(n) beemt gelic/ dien geleg(en) es te cortbeke overdijle int gemeyn broec over de/ dijle te outhev(er)le weert toebehoiren(de) der vors(creven) proefstien Elx jairs/ dae(re)nbynne(n) om en(de) voe(r) thien g(ri)pen te xl pl(a)c(ken) tstuc jairlix sinte/ m(er)tensmisse te betalen den vors(creven) janne vand(er) eyken jan de(n) vors(creven)/ t(er)mijn due(re)nde q(uo)l(ibet) ass(ecutu)[m] It(em) es vorweerde wairt tsake dat e(n)nigen/ van hen geliefde ten halven tide te scheide(n) vand(er) vors(creven) pechting(en)/ dat elc hue(re)r dat sal moige(n) doen Bij alsoe dat de ghene die alsoe/ sceiden sal willen dat den ande(re)n een jair te vore(n) cundig(en) sal mote(n)/ It(em) sal de vors(creven) wynne alle ja(r)e mote(n) doen den vors(creven) sijne(n) meester/ zesse corweyde(n) met sijne(n) wagen en(de) p(er)den des sal de selve wy(n)ne/ hebben van hem te twee ja(r)en vier ellen lakens tot eene(n) tabbarde/ It(em) sal de vors(creven) jan den vors(creven) wynne geve(n) jairlix den vors(creven) t(er)mijn/ due(re)nde te hulpen van sijnre huyshue(re)n twee pet(er)s te xviii st(uvers) tstuc/[It(em) tvalveken aen den vroenhof hangen(de) en(de) theyme(n) vand(er) messien sal de vors(creven) wy(n)ne houde(n) de(n) vors(creven) t(er)mijn due(re)nde in goede(n) state en(de) dat also late(n) tsijne(n) afsceide(n)] Ende alle dese vorweerd(en) (et)c(etera) Voirt heeft gelooft de selve wy(n)ne/ ter meerd(er) zekerheit van te voldoene des vors(creven) steet den vors(creven)/ janne [tot sijner maniss(en)] voir hof en(de) hee(re) dair en(de) soe dat beho(r)en sal in handen/ te stelle(n) met rechte en(de) te v(er)oblige(re)n behoirlic alle sijn goede(n) beruelic/ en(de) o(n)beruerlic hoedanich die sijn chijse rinte(n) pachte(n) om dinhout van/ des(er) pechti(n)g(en) d(air) aen te verhale(n) en(de) alle pointe(n) d(er) selv(er) alse die v(er)schenen/ selen sijn cor(am) meldert maes maii v[ta]