Item henric de koker en(de) (christ)ine adelberghe sijn wijf in p(rese)ncia hebben/ indivisim geconsenteert gewillecoert en(de) over gegeve(n) dat hue(r) gedeelte/ van al alsulken schapen alse nae der selver [(christ)inen] moeder doot bleven zijn ende/ vanden vervueden der selver comen sal in handen van marien ende/ g(er)truyden van adelberghe suste(re)n der voirs(creven) (christ)inen om bij hen geaenveert/ gepe(n)neweert en(de) ten hoochsten gebracht te wordden Ende van den pe(n)ning(en)/ dair af comen(de) selen der selver marien volghen en(de) blive(n) voir tgene/ des de selve gehuysschen huer sculdich sijn zeven rinsche guld(en) ende/ tsurplus sal den selven gehuysschen volghen om hue(re) ande(re) sculde(n) mede/ te betalen Ende hebben de selve gehuysschen voort gelooft gesekert/ toegeseecht over gegeven en(de) geconsenteert dat sij hue(r) gedeelte van/ allen den ande(re)n beruerliken en(de) oic omberuerliken goeden chisen rinten/ pachten en(de) lijfpen(sien) hen van en(de) nae der doot der voirscr(even) gesuste(re)n vader/ en(de) moeder gebleve(n) versetten verthien belasten noch vercoepen en selen/ in gheender manie(re)n sonder (con)sent der selver marien en(de) g(er)truyden/ Bekinnende oft zij de (contra)rie daden dat dat machteloes en(de) van onweerd(en)/ sijn en(de) bliven soude en(de) geacht wordden Consente(re)nde voort en(de) geloven(de)/ dat alle brieve hier af oft van eenigen van desen zijnde oft naemaels/ gemaict wordden(de) alhier te deser meyninghen onder scepen(en) van loeven(e) come(n)/ en(de) gestelt selen wordden en(de) bliven moten tot dat die bijden voirs(creven) gehuysschen/ en(de) gesuste(re)n gesamender hant gehaelt souden wordden Item oft eenige der/ voirs(creven) rinten chijsen pachten oft lijfpen(sien) afgequijt wordden oft e(n)nige erfgoede oft have/ met (con)sente der selver gesuste(re)n v(er)cocht dat de pe(n)ninge van dien weder met rade / en(de) (con)sente der voirs(creven) gesuste(re)n ten meesten p(ro)fite vand(en) gehuyssce(n) aengeleecht/ selen wordde(n) Ende dat de brieve van dien oec inder selver manie(re)n altijt/ gebracht en(de) geleecht selen wordden gelijc den ande(re)n brieve(n) voirs(creven) onder scepen(en)/ en(de) altijt t(er) meyni(n)gen vors(creven) soe datse de gehuysschen sonder der voirscr(even) gesust(ere)n/(con)sent niet v(er)coepen noch versetten en selen moigen noch die brieve halen/ dan gesamend(er) hant als vo(r)e Ende om dit [al] te bat acht(er)volcht te wordden/ selen de voirscr(even) gehuysschen ofts behoift hier af altijt voirder vesticheit/ doen en(de) salmen dit in allen brieve(n) diemen den voirs(creven) gehuyssce(n) van e(n)nige(n)/ der voirs(creven) hue(re)r goeden rinten oft lijfpen(sien) maken sal altijt besorghen ende/ cause(re)n soet best sal moigen dienen Maer men sal den gehuysschen alle/ behulp van rechte metten voirs(creven) brieve(n) doen en(de) laten gescien alleene/ om de jairlicsche p(ro)fite(n) der selver d(aer) mede te trecken oft die goede oft rinte(n)/ ofts behoift te v(er)antweerde(n) cor(am) vync heykens januar(ii) xxv