Vanden questien en(de) geschillen uutstaen(de) tusschen henr(icke) va(n) helen/ ter eender en(de) henr(icke) crabbe beyde molders ter ande(r) zijden hebben hen/ de selve p(ar)tien gesubmitteert en(de) verbonden in segge(re)n en(de) vrie(n)delike/ yeffene(re)n te weten(e) henr(ick) vand(er) helen in jacoppe vand(er) biest en(de)/ gheerde de draye(re) beyde geswoiren(en) vand(en) molders a(m)bachte en(de) henr(ick)/ crabbe in willem(me) van bruessele en(de) willem(me) de boyse(re) In sulker vuegen/ dat elc der voirs(creven) p(ar)tien zijn seggers va(n) zijne(n) geschillen mu(n)deli(n)ge/ informe(re)n sal by(n)nen viii daghen naestcomen(de) en(de) dat alsdan de/ voirs(creven) seggers hue(r) uutsprake d(aer)af doen selen by(n)nen viii daghen/ d(aer)nae en(de) ofts de selve seggers by(n)nen dien tijde niet eens en wordden/ dat zijt den by(n)nen iiii daghen d(aer)nae selen bringen bij scepen(en)/ van loeven(e) en(de) halen d(aer)af een vo(n)nisse om den wijn Met cond(icien)/ dat de selve uutspraken oft vo(n)nisse stadt gripen sal tot
//
s(in)[t] jansmisse naestcomen(de) en(de) niet lange(r) En(de) dese uutsprake/ hebben de voirs(creven) p(ar)tien gelooft tonderhouden(e) en(de) tachtervolgen/ elc van hen op een pene van vier merct silvers mediati(m) onsen/ gened(igen) hee(re) en(de) dander helicht onser liever vrouwen va(n) s(in)[te] peters/ cor(am) hoelair thenis januarii xxiii