Allen den ghene(n) et(cetera) doen cond dat opden heden datu(m) van desen voir/ ons come(n) es in prope(re)n p(er)sone die eerwerdige hee(re) h(er) jan marotton deken/ van sinte pet(er)s te luydick en(de) heeft als admi(ni)strateur vanden goeden des/ goidshuys van vliederbeke soe uut crachte vand(er) (com)missien die hij in/ dien heeft van onsen gened(igen) hee(re) den h(er)toge van oisterijc van bourg(oingnen)/ en(de) van brab(ant) soe oic uut (com)missien mij(n)s he(re)n sbusscoppen van luydick/ ende oick uut crachte vande(n) clausule(n) dair inne begrepen slaende/ op hem oft sijne(n) geco(m)mitteerden van welk(er) (com)missien mijns gened(ichs) he(re)n/ ts(er)toge(n) de tenue(re) h(ier) nae volcht van woirde te woirde Maximi/ liaen ende marie bijder gratien goids h(er)togen van oisterijck van/ bourgoingne(n) van loth(a)r(ingen) van braba(n)t van lymb(urg) van luxemb(urg) en(de) van/ gelre greve(n) van vlaende(re)n van artois van bourg(oingn)[en] palatijne(n) van/ heneg(ouwen) van hollant van zeela(n)t van namen en(de) van zuytphen/ mercgreven des heylichs rijcx hee(re) en(de) vrouwe van vrieslant/ van salins? en(de) van mechlen Allen den ghene(n) die dese l(ette)ren selen/ sien oft hoiren lesen saluyt doen te weten(e) dat wij mits seke(re)n sake(n)/ en(de) reden(en) ons dair toe berue(re)nde ende sund(er)linghe om te versiene/ opt sobe(re) en(de) snoede regeme(n)t vander kerken en(de) goidshuyse van vlierbeke/ bij onser stad van loven(e) gelegen bij consente vanden eerwerdige(n)/ vader in goede onsen lieve(n) en(de) getrouwen rade den abdt aldair/ betrouwende volcome(n)lijck der wijsheit rechtv(er)dicheit en(de) goeder/ ernsticheyt onss gemi(n)den he(re)n jans marotton prieste(r) iegewoirdichlick/ reside(re)nde in onser voirs(creven) stad van loeven hebben den selve(n) he(re)n/ ja(n)ne geco(m)mitteert en(de) gesedt en(de) bij desen onsen brieve co(m)mitte(re)n/ en(de) ordine(re)n regeerde(r) van allen den temporeelen goeden toebeho(r)ende/ der voirs(creven) onser kerken en(de) goidshuyse hem geven(de) volcomen macht/ en(de) bevel mits desen de selve goede van onsen wegen wel en(de)/ getrouwelijck te regeren(e) de winne(n) oft pachtene(r)s thienden(er)s/ rentiers en(de) alle ande(re) sculde(re)n der voirs(creven) kerken te bedwingen(e)/ off bij onsen officiers dient beho(r)en mocht te doen bedwingen/ heerlijck en(de) bij feyte hem oft zijne(n) geco(m)miteerden te betalen(e)/ van allen den renten cheinsen pachten en(de) ande(re)n sculden? hoedanich/ zij sijn der voirs(creven) kerken toebeho(r)ende En(de) oick alle ande(re) van/ wat state oft condicien zij moegen sijn en(de) die hebben oft wete(n)/ e(n)nige vanden juweelen oft havelijke goeden hoedanich zij sijn toe/ beho(r)ende den voirs(creven) onsen goidshuyse en(de) dair af mit behoirlijke(n)/ en(de) sole(m)nelen eede te doen vercleringe en(de) bewijsenisse met/ restitucie(n) zonder e(n)nich verdrach oft dissimilatie in e(n)nig(er) manie(re)n/ Ende de selve pachten(er)s thiendeners rentiers en(de) ande(re) sculde(re)n
//
te bedwingen(e) en(de) te doen bedwingen(e) tott(er) vercleeringen bij eede/ gelijc voirs(creven) es aen wien oft whien sij betailt gegeve(n) oft gelev(er)t/ en(de) betaelt hebben de r selve renten en(de) ande(re) goede hoedanich sij/ zijn toebeho(r)ende den voirs(creven) onsen goidshuyse sindert dat de voirs(creven)/ abdt van dair absent is geweest en(de) dair hij egheene admi(ni)st(ra)tie/ oft bewindt vanden voirg(eruerde) incomen(de) renten oft ande(re)n renten goeden/ en heeft gehadt ende dair af te geven(e) goet en(de) behoirlijck acquijt/ en(de) gewarige quijtancie En(de) bijsonder vanden p(ar)tijen dair af de voirs(creven)/ pachten(er)s thienden(er)s rentiers en(de) ande(re) sculde(re)n neghene declaratie/ noch behoirlijck acquijt ende quitan(cie) inder manie(re)n boven vercleert en(de)/ selen connen gedoen oft gethoenen die selve pachtene(re)n thiendene(re)n/ rentiers en(de) ande(re) sculde(re)n te bedwingen(e) en(de) te doen bedwingen(e)/ realic en(de) met faite hem dair aff te doen betalinge geschien/ dair toe oic heerlijck te bedwingen(e) en(de) mit faite bruede(re)n ja(n)ne/ van langenrode en(de) aerde hoyninck religieusen vande(n) voirg(eruerde) cloeste(r)/ hem oft sijne(n) voirs(creven) geco(m)mitteerden te geven(e) en(de) te deliveren(e) ter stont/ en(de) sonder delay Alle de registe(re)n boeken rekeni(n)gen brieve(n) van/ obligatien ende alle ande(re) munime(n)ten mit gaders den boeken ende/ registe(re)n vanden leene(n) en(de) heerlicheyden ons voirs(creven) goidshuys van/ vlierbeke te verw verbieden(e) en(de) te bevelen(e) Voirts oft te doen/beve verbieden(e) en(de) bevelen van onsen wegen den voirs(creven) bruede(re)n/ ja(n)ne van langenrode en(de) allen ande(re)n wie sij zijn dat sij bij/ hen selve(n) noch bij ande(re)n hen niet meer en onderwinden vander/ admi(ni)stratien en(de) regime(n)te der selver goeden hen bedwingen(de)/ oft doen bedwingen en(de) insgelijcx alle de voirs(creven) pachtene(re)n/ rentiers thienden(er)s en(de) ande(re) sculde(re)n wie zij sijn weder te ke(r)en/ op te leggen en(de) weder om te betalen(e) al tgheen des zij betaelt/ hebben oft ontfange(n) sindert dat hen dat mit ande(re)n onsen oepen(en)/ brieve(n) van onsen wege(n) gejudiceert en(de) verboden is geweest/ En(de) generalick ende oic speciaellic alle ande(re) saken te doen die/ een goet getrouwe regeerder doen mach en(de) sculdich es te doen/ due(re)nde alsoe langhe alst ons sal gelieven vanden welken ende/ oick dat die voirs(creven) h(er) jan marotton van zijne(n) voirs(creven) regime(n)te en(de)/ bewinde beyde van ontfanghe en(de) uutgeven(e) ons den voirs(creven) abdt/ en(de) convents ende den ghenen die wij dair toe naemaels (com)mitte(re)n/ sullen altijt als hij versocht sal wesen goede wettige rekeni(n)ge en(de)/ bewijs sculdich sal zijn te doene hij den eedt dair toe beho(r)ende/ inden handen van onsen lieven ende getrouwen cancellier van braba(n)t
//
meeste(re)n geldolfve vander noot doen sal alsoet behoirt die wij dair/ tot mit desen onsen brieve co(m)mitte(re)n Ontbieden h(ier) o(m)me en(de) bevelen/ ernstelijck onsen voirs(creven) cancell(ie)r dat hij genome(n) ende ontfange(n) hebben(de)/ den voirs(creven) eet en(de) allen ande(re)n onsen richte(re)n ende officie(re)n dient/ aengaen mach ende insgelijcx den officie(re)n richte(re)n ende diene(re)n vande(n)/ smalen he(re)n onss voirs(creven) lants van braba(n)t dat zij den voirs(creven) he(re)n ja(n)ne/ marotton deser onser (com)missien ind(er) manie(re)n alsoe boven es vercleert/ rastelic en(de) vredelic doen ende laten gebruyken sonder hem d(air) inne/ te doen ofte laten doen oft geschien e(n)nige(n) stoet oft letsel ter (contra)rien/ in e(n)niger manie(re)n Mair dat zij hem in allen saken den voirs(creven)/ regime(n)te ende bewinde aengaende mit des dair aencleeft onder/ho(r)en hoerich zijn en(de) bij allen ande(re)n dient aengaen mach doen/ obedie(re)n en(de) ond(er)hoerich sijn en(de) dat zij en(de) elck hue(r) hem inder exc(er)citien?/ van desen doen alle behulp en(de) bijstant die zij selen co(n)nen en(de) moege(n)/ op dats behoeft en(de) zijs versocht werden want ons dit aldus gelieft/ en(de) gedaen willen hebben Ende des torconden hebben wij onsen segel/ hier aen doen hanghen Gegeve(n) den achtiensten dach van oeghste/ int jair ons he(re)n duysent vierhondert een ende tachtentich geco(m)/ mitteert en(de) volcome(n) en(de) auctoriteyt gegeve(n) ten bijsijne en(de) met/ consente des eerweerdichs in gode he(re)n leonarts van gryboval p(re)laets/ des voirs(creven) goidshuys arnde vanden ynde geheeten vanden goere alle/ des voirs(creven) goidshuys saken questien geschillen goeden beruerlic ende/ omberuerlic chijsen rinten pachten h(eer)licheyde(n) wair oft te wat plaetse(n)/ die gelegen sijn tegen oft aen wien dat zij en(de) voir wat gerichte/ dat het geboren mochte Te v(er)ware(n) te mane(n) teysschen opte bue(re)n/ tontfange(n) dair voe(r) te pande(n) te daghe(n) te beleyden rastame(n)te/ te doen legghe(n) die met rechte texeque(re)n alle scepen(en) brieve(n) te/ vo(n)nissen executie van rechte te vervolge(n) en(de) te neme(n) en(de) ofts/ noot gebuerde voir alle gerichten voirs(creven) alle saken in aenlegg(er)s oft/ verweerders stad te vervolgen te (con)teste(re)n te reco(n)venie(re)n te verantwerde(n)/ te bescudden te daghen alle gescriften en(de) libellen ov(er) te geve(n) en(de) te/ neme(n) te replice(re)n te duplice(re)n et(cetera) alsoe wel int principael als int/ accessoir soe menichwerve(n) alst behoire(n) oft behoeve(n) sal Alle des/ goidsh(uys) goeden te verhuere(n) te verpachte(n) en(de) met jairschare(n) uut te/ geve(n) de bosschen te vercoopen te hantplichten alle vestich(eit) dair aff/ te doen(e) te neme(n) en(de) te ontfange(n) alle sake(n) te wynne(n) te verliese(n)/ componen(di) quitan(ciam) dandi necno(n) cete(r)aq(ue) P(ro)mitt(ens) rat(um) salvo/ iusto calculo En(de) dat hij ontlasten sal sijne(n) co(m)mitteerder m(ijns)/ gened(ichs) hee(re) van luydick den h(er)toghe m(ijn) hee(re) van luydick
//
en(de) den p(re)laet en(de) co(n)ve(n)t des voirs(creven) goidshuys van allen den bewinde/ voirs(creven) en(de) oick vander rekeni(n)gen die hij hier af en(de) des dien aencleve(n)/ mach voir de selve naevolgen(de) sijnder (com)missien sculdich es te doene/ al nae inhoudt vander selver (com)missien cor(am) tybe burg(imagistr)[o] buetsel hoelair/ scab(inis) januarii xix