It(em) machiel sone pierarts le teillier van tangisart en(de) g(er)truydt/ le charlier zijn wijf in p(rese)ncia hebben same(n)tlijck en(de) bezund(er) getra(n)s/ porteert en(de) overgegeven en(de) gestelt in handen en(de) machte jans le/ charlier zijns swagers en(de) mits desen transporte(re)n overgheven en(de)/ stellen in handen en(de) machte desselfs jans alle alsulken haefliken en(de)/ beruerlijken en(de) oic omberuerliken en(de) erffeliken goeden alse tege/ woirdelijc zijn in handen der voirs(creven) g(er)truyden le charlier en(de) oic de ghene/ die zij naemaels hebben en(de) vercrigen sullen moegen om die bij hen/ gehouden gehantplicht geregeert en(de) beseten te wordden en(de)/ tot zijne(n) eygen(en) wille en(de) singule(re)n proffijte te beke(r)en Geloven(de)/ den selven ja(n)ne le charlier dat zij hen dier va(n) nu vortaine/ gheenssins en selen onderwynden noch hen dair aen hinder/ letsel oft stoet doen bij hen selven oft nyeman(de) anders in gheenen/ rechte gheestelijc noch weerlijc in gheender wijs Consente(re)nde/ en(de) overgeven(de) de selve machiel dat de voirs(creven) jan zijn swager/ aen neme en(de) accepte(re) de mo(m)borie vand(er) voirs(creven) gheertruyden/ En(de) de voirs(creven) machiel heeft voirt volcomelijc den voirs(creven) ja(n)ne/ dat hij der voirs(creven) g(er)truyden voirtane va(n) gheenen co(n)dicien geloften/ schulden eysschen clachten impeticien oft e(n)nigen ande(re)n saken moleste(re)n/ volgen moeyen noch aenspreken en sal p(er) se aliu(m) vel alios aliquo/ iu(r)e sp(irit)uali vel seculari quovismo(do) infutur(um) quitan(do) ea(n)d(em) de om(n)ib(us)/ et sing(ulis) p(ro)missionib[(us)] cor(am) hoelair thenis januarii xxiiii