Vanden gedinge dat geweest heeft inde banck voir meye(re) en(de)/ scepen(en) van loeven(e) tusschen ja(n)ne van breeden als procur(eur) joes de/ keyse(re) aenlegge(r) met zijne(n) medeplege(re)n ter eender en(de) ja(n)ne le(m)mens/ den jonghen als mo(m)boir m(ar)griete(n) slathouwers zijns wijfs docht(er)/ henr(icx) wilen de lathouwe(re) ter ande(re) om der restitucien wille/ van seke(re)n boomen en(de) houten die soe de voirs(creven) aenlegger dede/ seggen en(de) p(rese)nteerde te bewijsen(e) dat de voirs(creven) jan le(m)mens hadde/ doen houwen van seke(re)n bosschen geheete(n) tghijselken houden(de) drie dach(mael)/ neven een inde prochie van buggenhout tusschen shee(re)n strate ter eender zijden/ en(de) de goede va(n) swincke ter ande(re) inde welke joes wilen de keyse(re) vader/ des voirs(creven) joes voirmaels over vele ja(r)en geleden voir meye(re) en(de) scepen(en) van/ loeven(e) met guedi(n)gen uute(n) beleyde gegoedt en(de) gevestich hadde geweest/ soe de aenlegge(r) seyde dair toe exhibe(re)nde en(de) doen(de) lesen de selve guedi(n)ge/ d(air)op soe hij sustineerde spreken(de) Seggen(de) onder den ande(re)n dat de selve/ jan le(m)mens d(air)af hadde gespolieert want zijn vorders en(de) hij d(air)af/ over lange ja(r)en in possessien hadde(n) geweest en(de) die goede beseten/ als huere p(ro)per erve bieden(de) alle pointen te thoenen tende(re)nde uut(er)lijc/ totter voirs(creven) restitucien Dair tegen de voirs(creven) jan le(m)mens hem v(er)ant/ werden(de) dede seggen dat de voirs(creven) henr(ick) de lathouwe(re) zijn sweer/ de goede d(air)af hij thout hadde doen houwen hadde gehouwen/ gediept en(de) gedaelt en(de) gepossideert als zijn proper erve by(n)nen/ xxx ja(r)en h(er)weerts en(de) was d(air)uut gestorven als uut zijnen/ prope(re)n erve toesien(de) eene(n)yegeliken dat voirt henr(ick) de lathouwe(re)/ voe(r) zijn wijf en(de) kinde(re) nae de selve goede dair dat hout op gehouden/ was hadden beseten over x xx xxx xlv jair en(de) daghe en(de)/ dat de selve lathouwe(re) hadde twee wettige kinde(re) d(air)af de/ voirs(creven) le(m)mens deene getrouwt hadde Dat voirt de selve/ lathouwe(re) als hij leefde altijt woende soe met joese den keyse(re)/ soe met zijne(n) vader en(de) dat alsoe de voirs(creven) joes en(de) zijn vader/ dbewint en(de) regime(n)t van zijne(n) en(de) zijnder kinde(re)n goeden hadde(n)/ mits dat hij bij hen woende dese en(de) meer ande(re) pointen p(rese)nteerde/ hij te thoenen oft hem die wordden ontkint En(de) nae dien/ dat wederp(ar)tien in weder zijden tot hue(re)n thoene zijn gewijst/ geweest quam de voirs(creven) jan le(m)mens voir scepen(en) van loeven(e)/ nove(m)br(is) xix lestleden en(de) renu(n)cieerde vand(er) questien en(de) gedingen/ voirs(creven) soe v(er)re dat aenghinc den twee dach(mael) vand(er) drien houden(de)/ hem alleene aen tderde aldair geruert en(de) aldus nae den/ thoen bij p(ar)tien in wederzijden geleyt dair de selve te
//
beyden zijden huers v(er)meets eensdeels vand(en) p(ri)ncipalen pointen bij/ elken bijgeleeght volquamen dairmen vand(er) ae(n)leggers zijden/ e(n)nige brieve geproduceert beva(n)t meer ten achterdeele der selver/ ae(n)leggers dan thue(re)n vordeele wardden de scepen(en) inder saken/ gemaent die wijsden met vo(n)nisse dat daenleggers met hue(re)n/ eyssche der restitucien te vroech op zijn Act(um) in sca(m)pno januar(ii)/ xxii