Want arnt hanckart als geleyt nae deser stadt recht voir/ zijn wettich gebreck uut crachte van scepen(en) brieve(n) van loeven(e)/ tot allen den goeden beyde have en(de) erve jans macille soe wair/ die gelegen zijn hem met brieve(n) van des(er) stad gescreve(n) aen/ den meye(re) van graven oft zijne(n) stedehoude(re) alle de selve goede/ onder hem gelegen heeft doen leve(re)n en(de) den selve(n) ja(n)ne dach van/ rechte alhier te co(m)pare(re)n oft hij tegen de voirs(creven) leveri(n)ge yet hadde willen/ allige(re)n heeft doen bescheyden tot welken daghe noch oic op heden/ als ten verstreken(en) daghe van rechte de voirs(creven) jan noch nyema(n)t van/ zijne(n) weghen geco(m)pareert en es den voirs(creven) geleydden altijt co(m)pare(re)nde/ en(de) trecht voirt versueken(de) Soe v(er)re dat scepen(en) van loeven(e) ter manissen/ smeyers nae dat hen behoirlijc heeft gebleken bij rapporte peters
//
comelinck des(er) stadt bode de voirs(creven) leveri(n)ge en(de) dachbescheydinge/ geschiet te zijne gewesen hebben voir een vo(n)nisse datmen den voirs(creven)/ geleydden vand(en) voirs(creven) goeden houden soude inde macht va(n) zijne(n) beleyde/ en(de) leveri(n)gen voirs(creven) alsoe v(er)re alst noch voir scepen(en) comen es Act(um) in/ sca(m)pno januarii xxiiii