Allen den ghenen (et)c(etera) doen cont dat ja(m)mar vacheroul pauwel/ libeert steven han willem vand(er) sart en(de) jan hubeert hebben geco(n)st(itueert)/ gheerde moreels alle hue(r) saken questien en(de) geschillen die zij/ tsamen oft bezund(er) uutstaen(de) moegen hebben en(de) bezunder alle/ hue(r) rinten goeden en(de) alsulken versterfenissen als den selven p(er)sone(n)/ bleven en(de) verstorven moegen zijn van en(de) nae der doot marien wilen/ m(ar)ghets wettig huysvrouwe was ja(n)nes wilen m(ar)celijs m(ar)cels te/ verwaren te manen teysschen optebue(re)n tontfangen (et)c(etera) de deyli(n)ge/ vand(en) selven goeden te maken(e) en(de) alle scepen(en) brieve(n) den selve(n) goeden/ aengaen(de) tontfanghen en(de) in zijne(n) handen te nemen(e) Et g(e)n(er)alit(er)/ et specialiter in meliori forma P(ro)mitt(entes) rat(um) salvo iusto calculo/ cor(am) tybe burg(imagistr)[o] opp(endorp) hoelair scab(inis) januarii xxii