It(em) jouffr(ouwe) dorothee h(er)tsals weerdynne meest(er) jans lobbe/ heeft gelooft janne [vacat] bode m(ijns) gened(ichs) he(re)n ts(her)toge(n)/ tot desselfs m(ijns) gened(ichs) he(re)n behoef gheen van meest(er) ja(n)s noch/ hue(re)n goeden dair van de selve bode inve(n)tar(is) heeft noch oic/ gheen vand(en) ande(re)n der selv(er) gehuyssche(n) goed(en) d(air)af hij alnoch/ gheene(n) inve(n)tar(is) en heeft mair die he(m) gedaen sal wordden/ al met goeder distinctien en(de) ond(er)scheide wes hue(re)n voirkinde(re)n/ als prop(ri)etar(is) dair af zij tocht(er)sse es toebehoirt en(de) des oft
//
van sijnder sijde(n) gecome(n) en(de) na mette(n) selve(n) meest(er) ja(n)ne/ v(er)cregen mach sijn mynde(re)n noch depostue(re)n en sal doen/ noch laten mynde(re)n noch depostu(r)en voir aen d(er)re tijt toe dat/ zij met m(ijns) gened(ichs) hee(re) voirs(creven) ov(er)come(n) oft beslicht sal sijn/ vand(en) actien en(de) int(er)est van (con)fiscacie(n) die hij d(air)toe meynt/ te hebben ende hier af zijn borgen en(de) voir dit hebben/ gesproken als pri(n)cipael schuld(er)s ongesund(er)t en(de) onv(er)scheid(en)/ en(de) elc voir al claes scribaen meest(er) cornelijs nycholai sijn/ behuwede sone en(de) jan goed(er)toys renu(n)cie(re)nde in dese(n) d(er) p(ri)vilegie(n)/ vand(er) univ(er)siteyt van loven(e) en(de) alle ande(re) quos ip(s)a do(m)i(ce)[la]/ promisit exin(de) indemp(nem) (con)serva(r)e cor(am) liefk(enrode) hoeve(n) junii vii[a]