It(em) es den voirs(creven) brief bekint te dier meyni(n)g(en) dat de voirs(creven) jan/ van voshe(m) oft sijns gebreken(de) zijn wettige kinde(re) t(er) stont nae de/ doot vand(en) yest(en) aflivig(en) vand(en) voirs(creven) ja(n)ne beke en(de) sijne(n) tegewoird(ige)/ wive he(m) selen moegen doen leyde(n) tot alle(n) den erfgoede(n) chijse(n)/ rinte(n) en(de) pachte(n) die tussche(n) de voirs(creven) gehuyssche(n) vercrege(n) sijnde/ nae de doot vand(en) selve(n) yerst(e) aflivige bevonde(n) sulle(n) wordd(en)/ hoedanich die sijn oft wair dat sal moege(n) gebue(re)n en(de) die selve/ goede mette(n) selve(n) beleyde voir de voirs(creven) so(m)me nae de doot vand(en)/ lesten aflivig(en) die d(air) inne sijn tocht soude behoude(n) aenverd(en)/ ende te hemw(er)t trecken Behalve(n) oft de wettige naist erfg(enaem)/ vand(en) selve(n) gehuyssche(n) oft des eens van he(n) die losse(n) woude(n) dat sij/ dat sele(n) moege(n) doen bynne(n) [twee] ja(r)en nae de doot vand(en) selve(n) lest(en)/ aflivig(en) mett(er) voirs(creven) so(m)me van duyse(n)t r(inssche) guld(en) die den selve(n)/ janne van voshe(m) oft sijns gebreken(de) sijne(n) kinde(re)n te geve(n) en(de) and(er)s/ niet noch dair nae zond(er) oic dat de selve jan van voshe(m) oft/ sijn kinde(re) gehoude(n) souden sijn in dien gevalle restitucie te derve(n)/ doen van tgene des zij van blading(en) p(ro)fijte(n) oft and(er)s vand(en)/ selve(n) goed(en) gehave(n) hadden en(de) ontfangen hadden in e(n)nig(er) manie(re)n/ cora(m) eisdem