It(em) petrus de weert in p(rese)ncia heeft k gekint en(de) gelijdt
//
dat hij v(er)cocht heeft ja(n)ne van borre alsulk(en) twee huyse(n)/ mette(n) hove en(de) hue(re)n toebehoirte(n) gelegen inde percstrate/ om een so(m)me van pe(n)ni(n)gen dair van zij ov(er)come(n) sijn/ nae inhoudt der come(n)scapen en(de) vorweerd(en) dair van/ begrepe(n) t(er) p(rese)ncien vand(en) goed(en) ma(n)nen geloven(de) de selve/ peter den selve(n) ja(n)ne dair inne te doen(e) alle vestich(eit)/ soe dat behoire(n) sal bij gueding(en) oft and(er)ssins en(de)/ in al der mat(en) dat bevorw(er)t es ind(en) coep voirscr(even)/ tussche(n) dit en(de) xv dag(en) na sint janssmisse naestcomen(de)/ geloven(de) oic in w(eer)sijd(en) dese come(n)scape tond(er)houde(n) en(de)/ tacht(er)volgen(e) ind(er) mat(en) die geschiet mach wesen/ cor(am) boxhore(n) hoeve(n) junii vii[a]