Item gheerleeck vanden stocke woenen(de) te belanden(en) in/ p(rese)ncia heeft gehuert tegen henricke crabbe een stuck
//
wynne(n)ts lants houden(de) vi dach(mael) oft d(air)omtrint gelegen/ te belanden(en) ge opt schitterberchvelt inde prochie/ va(n) bierbeke tusschen de goede jans de mu(n)te(re) op deen/ zijde en(de) de goede des voirscr(even) gheerlex t(er) ande(r) zijden/ Te hebben(e) ende te houden(e) van half m(er)te lestled(en) eene(n)/ t(er)mijn va(n) liiii ja(r)en lanck deen nae dande(r) v(er)volgende/ Ter ande(r) zijden heeft de voirscr(even) henrick crabbe/ in p(rese)ncia gehuert tegen den voirs(creven) henr g(eer)lecke/ ii(½) boende(re)n lants gelegen te div(er)sen te belanden(en) voirs(creven)/ inde banhage tusschen de goeden des voirs(creven) henr(ix) in/ alle(n) zijden comen(de) aen hev(er)bosch Te hebben(e) en(de) te besitten(e)/ oick van half m(er)te lestled(en) den t(er)mijn va(n) liiii jaire(n)/ lanck zonder dat zij deen den ande(re)n d(air)aff e(n)nighe/ pachte(n) sculdich sulle(n) zijn te geven(e) oft e(n)nige bate mair/ sulle(n) des(en) p(er)sone(n) goede voirg(eruert) deen voe(r) dande(r) ge(re)ke(n)t/ worden den voirscr(even) tijt due(re)nde Item es vorweerde/ dat elck van hen sculdich sal zij(n) den voirs(creven) t(er)mijn/ due(re)nde de voirs(creven) goede te wynne(n) te werve(n) ende te/ meste(n) gelijck reengenoote(n) bove(n) en(de) beneden welke/ cond(ici)[en] de voirscr(even) p(ar)tien malcande(re)n geloeft hebbe(n)/ tonderhoud(en) en(de) te voldoen(e) den voirs(creven) t(er)mijn due(re)nde/ cor(am) berghe nausnyde(re) ap(ri)lis iii