Item jan vanden ynde meye(r) en(de) rintmeeste(r) he(re)n jans van gave(re) he(r)/ van s(in)[t] aeghten rode (et)c(etera) ridders in p(rese)ntia heeft met andriese/ van voshem vorste(r) m(ijns) gened(ichs) he(re)n ind(er) stat van loven(e) henrico/ steyman als procur(eur) he(re)n en(de) meest(er) joes boechout priest(er)s canonickx/ ts(in)[te] pet(er)s te loven(e) pantsgewijse in handen gestelt de juwelen/ h(ier) nae bescr(even) en(de) de welke zij bekint hebben ontfange(n) te hebben/ Te weten(e) inden yersten eene broke met eend(er) groot(er) p(er)len ende/ twee rooskens deen van dyama(n)ten en(de) dand(er) van robbijne(n)/ Item een roose van dyama(n)ten It(em) noch eene broke met eend(er)/ groot(er) p(er)len i tafele van eene(n) dyama(n)te en(de) dand een tafele/ van eene(n) robbijne It(em) een gulden ketenken met eene(n) cruysken(e)/ d(air)aen hangen(de) drie g(ro)te p(er)len en(de) v dyama(n)ten dair inne al/ tsame(n) wegen(de) twee onchen myn noch meer om d(air)aen met/ vercoope en(de) anders te verhalen(e) ende te v(er)reyken(e) bynne(n) eend(er)/ maent naistcomen(de) de verloopen(en) pachten va(n) eene(n) ja(r)e van/ lx r(inssche) gul(den) erflijc die de selve meest(er) joes op seke(re) goede des/ voirs(creven) he(re)n jans en(de) zijne(n) p(er)soen jaerlijcx heffen(de) es opte(n) naist/ lesten dach van m(er)te en(de) oic alle costen en(de) lasten d(air) om geled(en)/ en(de) te lijden desgelijcx oic om d(air)aen te verhalen(e) alle ande(re)/ gebreken die de selve meest(er) joes bevi(n)t inde geluften van/ wairscape en(de) genoechdoen(e) bijden voirs(creven) he(re)n ja(n)ne gedaen welke/ gebreken al voldaen sijnde en(de) de voirs(creven) juwele(n) onv(er)cocht/ bliven(en) sal de voirs(creven) henricus gehouden sijn den voirs(creven) he(re)n/ janne zijne(n) meye(re) voirscr(even) oft yema(n)de anders dair toe/ geco(m)mitt(eer)t wed(er)om [te] restitue(re)n de voirs(creven) juwelen ind(er) maten/ hij die ontfange(n) heeft cor(am) lyefk(enrode) vynck julii xxiii