Nae dien dat ja(n)ne sp(er)maige als geleyt nae des(er) stat recht/ totten goeden have ende erve pet(er)s marcelijs zone pet(er)s opden/ xx[te(n)] dach augusti lestleden bij scepen(en) va(n) loven(e) t(er) maniss(en) smeyers/ mids contu(m)acien en(de) niet comparicien des voors(creven) pet(er)s dair toe/ gedaicht alle de selve goede aengewese(n) werden soe v(er)re dat/ voir scepen(en) was gecome(n) Ende de selve pet(er) onder schijn va(n) te/ willen purge(re)n de selve contu(m)acie den voirs(creven) geleyden zijn/ vorderinghe va(n) rechte geschut heeft en(de) doen stille staen ende/ belet tot noch toe zonder mett(er) selver purgacien voirts te vare(n)/ oft hem tege(n) de(n) selve(n) geleyden rechtwerich te maken(e) oft hem/ oft p(ro)cur(eur) van zijne(n) wege(n) d(air)inne te rechte te p(rese)nte(re)n Soe heeft
//
op heden de selve geleydde doen lesen inde bank alhier zij(n)/ voirscr(even) vo(n)nisse en(de) voirt versocht trecht en(de) gesustineert wair/ de voirs(creven) pet(er) oft p(ro)cur(eur) va(n) zijne(n) wege(n) niet en compareerden/ dat hij voirts vare(n) soude moege(n) opde voirs(creven) goede hem/ gelijck vo(r)e aengewese(n) en(de) die voe(r) zij(n) wettich schult soude/ moege(n) v(er)coope(n) hem des gedragen(de) totten rechte Wairop/ scepen(en) va(n) loven(e) gemaent wijsden met vo(n)nisse datmen/ acht(er)volgen(de) den voirvo(n)nisse den selve(n) geleydden houde(n) soude inde/ macht van zijnder leveringen en(de) scepen(en) brieve(n) ende dat den/ geleyden zijne wettige gebreken aende goede onder den selve(n)/ beleyde begrepe(n) volgen sulle(n) In scampno sept(embris) xiii