Vand(er) questien en(de) geschille(n) gecome(n) voir meye(re) en(de) scepen(en) inde/ banck alh(ier) tusschen den meye(re) des h(er)toge(n) tot mont s(in)t wibert/ t(er) eender en(de) janne poel poirte(re) t(er) ande(r) zijden die hem metter/ stat brieve(n) uuytgescr(even) hadde en(de) oick zij(n) goede bijden selve(n) meye(re)/ beslage(n) doen ontslaen aldair de selve meye(r) tendeerde d(aer)toe/ dat de voirs(creven) poirte(r) v(er)socht soude worden t(er) bancke(n) recht oft
//
voir mijns gened(ichs) he(re)n raet gem(er)ct dat de ticht die hij meynde/ op hem te doen(e) was van dat hij ongehoirsam hadde geweest/ m(ijns) gened(ichs) he(re)n bevelen en(de) mandeme(n)ten dat hij gecore(n) zijnde/ behoirlijck als pyonnier mette(n) ande(re)n niet geobedieert en hadde/ noch metten selve(n) ande(re)n getoge(n) en was mair hadde hem/ geabsenteert ende uuyten wege gehouden nochtan dat de/ conde dat hij d(aer)toe gecosen was gedaen was tot zijne(n) huyse/ en(de) hem laten wete(n) bij eene(n) ande(re)n offic(ie)r Dair tegen de/ voirscr(even) poirte(r) sustin(eer)de de (contra)rie e(m)mer dat hij nerge(re)ns dan/ hier te rechte en behoirde mids zijnd(er) vrih(eit) rechte bij/ vele div(er)sen reden(en) d(aer)toe hij hem geallig(eer)t Es gewijst bij/ scepen(en) van loven(e) t(er) manissen smeyers dat de voirscr(even)/ meye(r) metten versueke vanden renvoye verdoelt es mair/ geliefde den meye(re) int principael opde(n) poirte(re) voirts/ te vare(n) dat hij dat doen mochte met rechte In sca(m)pno/ septembr(is) xiii