Want willem va(n) leefdale als p(ro)cur(eur) he(re)n augustijns vanden/ borchove(n) geleyt zijnde nae des(er) stat recht voir zij(n) wettich/ gebreck tot allen den goeden beyde have en(de) erve wille(m)s/ wijlen cillen zone wile(n) staes en(de) willems wile(n) cillen zone/ wijle(n) reyners wair die gelege(n) zij(n) hem oft pete(re)n comelinck/ d(er) stat bode in zijne(n) name alle de selve goede heeft doe(n)/ leve(re)n met br(ieven) van des(er) stat gescr(even) aende(n) meye(re) va(n) ned(er)linthe(re)/ oft zijne(n) stedehoud(ere) ende dach va(n) rechte doen bescheyden
//
den voirs(creven) willem(me) cillen zone wijlen reyners en(de) der wed(uwen)/ willems cillen zone wijlen staes oft zij de voirs(creven) leveringhe/ en(de) scepen(en) br(ieven) yet hadden wille(n) impugne(re)n Tot welk(er) dage/ de voirscr(even) p(er)sone noch p(ro)cur(eur) va(n) hue(re)n wege(n) gecompareert en is/ den voirs(creven) geleyden trecht voirt v(er)sueken(de) Soe v(er)re dat de/ scepen(en) va(n) loven(e) t(er) maniss(en) smeyers gewese(n) hebbe(n)voir een vo(n)nisse/ nae dat hen behoirlijck heeft geblek(en) bij rappoirte des voirs(creven)/ pet(er)s wair de wed(er)p(ar)tie(n) vand(en) geleyden niet en compare(re)n/ voe(r) den opstane smeyers en(de) d(er) scepen(en) datme(n) den voirscr(even)/ geleyden vand(en) voirs(creven) goeden houden soude inde macht va(n)/ zijne(n) beleyde scepen(en) brieve(n) en(de) leveringe(n) alsoe v(er)re alst noch/ voir scepen(en) come(n) is In scampno cor(am) scab(inis) sept(embris) xv