Want de p(ro)cur(eur) gerarts va(n) baussele als geleyt nae des(er) stat recht/ voir sijn wettich uut crachte va(n) scep(enen) br(ieven) van loven(e) tot allen den/ goede(n) beyde have en(de) erve ond(er) den ande(re)n geldolfs vande(n) vene/ en(de) henricx wijlen vanden velde soe wair die gelege(n) sijn/ hem met brieve(n) va(n) des(er) stat gescr(even) aende(n) meye(re) va(n) halen oft/ sijne(n) stadhoude(re) alle de selve goede behoirlijck heeft doen leve(re)n/ en(de) den selve(n) geldolve en(de) kinde(re)n des voirs(creven) wijlen henr(icx) dach/ va(n) rechte te (com)pare(re)n inde banc voir meye(re) en(de) scep(enen) va(n) loven(e)/ oft sij he(n) d(air) tege(n) hadden willen oppone(re)n besceyden es geweest/ ald(air) sij niet en compar(eer)den noch p(ro)cur(eur) va(n) hue(re)n wege(n) den/ voirs(creven) geleydde(n) (com)pare(re)nde en(de) trecht voirt v(er)sueken(de) Soe/ hebben scepen(en) va(n) loven(e) t(er) manissen smeyers nae dat hen bij/ resc(ri)pte barthelmeeus van bruheze meyers tot hale(n) ond(er)/ sijn hantteeke(n) behoirl(ijc) hadde gebleken de leveri(n)ge vande(n)/ voirs(creven) goede(n) gesciet te sijne in hande(n) cornel(ijs) vand(er) beect/ als gemechticht van wege(n) des voirs(creven) gerardi va(n) baussele/ gewesen voir een vo(n)nisse dat men den voirs(creven) p(ro)cur(eur) inde(n)/ name vande(n) voirs(creven) gerardo houde(n) soude inde macht va(n)/ sijne(n) scep(enen) brieve(n) voirs(creven) alsoe v(er)re alst noch voir scep(enen)/ come(n) es In sca(m)pno januarii xii