Nae dien dat op heden iide inde banc voir meye(re) en(de) scep(enen)/ sijn geco(m)par(eer)t gerardg duege(n)s als p(ro)cur(eur) h(er) bertrams bottelgiers/ priest(er)s t(er) eende(r) en(de) jan heyns t(er) ande(re) ald(air) de voirs(creven) p(ro)cur(eur) te/ kynne(n) gaff hoe dat de voirs(creven) jan geleyt was geweest/ hier voirmaels tot sijne(n) goede(n) en(de) dat uut crachte van/ seke(re)n scep(enen) brieve(n) van ii r(inssche) g(ulden) lijfpen(sien) d(air)aff hij seke(re) goede/ v(er)cocht hadde uut crachte vande(n) selve(n) te weten(e) eene(n)/ brouketel en(de) dat men bevi(n)den soude t(er) wairh(eit) dat hij/ bove(n) sijn wettelijcke scult wel getoge(n) hadde x r(inssche) g(ulden)/ p(rese)nte(re)nde tselve te bewijsen hopen(de) alsoe tot sijnder/(con)clusien dat hij he(m) d(air)aff sculd(ich) soude sijn rekeni(n)ge te/ doene en(de) opte leggen(e) des men bevi(n)den soude dat hij
//
meer gehave(n) soude hebben dan sijn schult D(air) tege(n) de voirs(creven)/ jan heyns seyt hoe dat den voirs(creven) brouketel bij he(m) niet/ v(er)cocht en wert mair bijde(n) voirs(creven) h(er) bertra(m)me en(de) sijne(n) vad(er)/ en(de) dat ne(m)mermeer bevonde(n) en soude wordde(n) dat hij meer/ getoge(n) hadde dan hij sculd(ich) was te trecken(e) geven(de) te/ kynne(n) dat ten tijde als hij sijn pe(n)ni(n)ge track vande(n) ii r(inssche) g(ulden)/ hij die wed(er) om aenleyt aen seke(re) p(er)sone(n) vand(er) vue(re)n dies/ doen t(er)tijt aen hem beg(eer)den en(de) d(air)toe leyt noch v r(inssche) g(ulden)/ va(n) sijne(n) gelde als dat de voirs(creven) nyeuwe rinte van/ qua(m) tot ii(½) r(inssche) g(ulden) en(de) hoe dat uut saken vande(n) voirs(creven)/ brouketele vele q(uestien) hadden geweest soe te bruessele/ soe alh(ier) mids dien dat de v(er)coope(r) die dien den vade(r)/ van h(er) bertra(m)me v(er)cocht mocht hebben d(air)aff niet v(er)cocht/ v(er)nuecht en was en(de) alsoe hadde hij zeke(re) scep(enen) br(ieven) van/ bruessele uuyt crachte vande(n) welken nae zeke(re) p(ro)cedue(re)n/ in rechte nae desen gebuert de selve gebreken hadde/ moete(n) betalen gedragen(de) x r(inssche) g(ulden) sond(er) de coste(n) d(air)aff de/ voirscr(even) h(er) bertram hem een zeker hantteeken gegeve(n) hadde/ en(de) gelooft hen die te betale(n) ind(er) mate(n) de selve cedulle/ alh(ier) geexhibeert dat uutwijsde hopen(de) wa(n)t de voirs(creven)/ h(er) bertram rekeni(n)ge beg(eer)de vande(n) v(er)cochte(n) goede(n) dat hij/ sculd(ich) soude sijn cautie te stellen(e) in alsoe v(er)re hij in gebreke/ bevo(n)de(n) wordde dat op te leggen(e) p(rese)nte(re)nde alsdan reke/ ni(n)ge te doen(e) en(de) tantweerden(e) alsoe dat behoire(n) soude/ den voirs(creven) p(ro)cur(eur) bliven(de) bij sijne(n) reden(en) en(de) (con)clusie(n) voirscr(even)/ sustin(eer)de de (contra)rie vande(n) voirnemen(e) des voirs(creven) jans Es ge/ wesen t(er) manissen smeyers dat de voirs(creven) her bertram sculd(ich)/ sal sijn cautie te stellen(e) navolgen(de) den v(er)sueke des voirs(creven)/ jans heyns en(de) die gestelt sal de voirs(creven) jan scul(ich) sijn her/ bertra(m)me rekeni(n)ge te doen(e) In sca(mpn)[o] januarii xii