Condt sij allen lieden dat lodewijck decoste(re) sone wijlen [vacat]/ ende willem van hoelair en(de) m(ar)griete sgruyters sijn weerdy(n)ne/ in p(rese)ntia hebben genome(n) en(de) bekint dat sij genome(n) hebben va(n)/ everardo van wynghe een wynhoff gelege(n) te velthem/ en(de) te berchsem Te houde(n) en(de) te hebben va(n) halfm(er)te naistcomen(de)/ eene(n) t(er)mijn van neghen jaire(n) lanck due(re)nde Ten ware dat/ de voirs(creven) everart woude scheyden ten yerste(n) drie ja(r)en vand(en)/ voirs(creven) ix ja(r)en in welken gevalle sal de selve everardt/ dat een jair te vo(r)en seggen Elcx jairs d(air)enbynne(n) om en(de)/ voe(r) de helicht van allen den vruchte(n) opde selve goede jairl(ijcx)/ wassende It(em) sal de wynne de lande vande(n) voirs(creven) hove/ jairlijcx sijne(n) t(er)mijn due(re)nde wynne(n) werve(n) en(de) mesten/ gelijck reengenoote(n) bove(n) en(de) beneden Te weten(e) den wynt(er)/ art op vier getijdege vo(r)en en(de) die wel en(de) loflijck besaeyen/ met goeden vollen zaeye en(de) die gherste besaeyt op drie/ getijdege vo(r)en en(de) die even(en) op twee getijdege vo(r)en beyde/ wel en(de) loflijck met goede(n) vollen zaeye tot sijne(n) afsceyden(e)/ en(de) de brake en(de) stortte o(m)megedaen alsoet behoirt It(em) de voirs(creven)/ wynne(n) sullen houde(n) alle de beemden die sij gehoude(n) hebben/ uutgesceyden eene(n) beemt geheete(n) srijkenbeemt en(de) oic een eeussele/ gelege(n) inde specstrate ald(air) de welke twee p(ar)tien de selve/ everart te hemweert behoirt Elcx jairs voe(r) en(de) om xxix/ r(inssche) gul(den) en(de) xvi st(uvers) te xx st(uvers) den gulden(e) en(de) drie pl(a)c(ken) voir/ elken st(uver) jairlijcx vallen(de) en(de) sinte m(er)tensmisse te betalen(e) It(em)/ de voirs(creven) wynne(n) sulle(n) allet stroo jairlijcx comen(de) vande(n)/ voirs(creven) landen slijte(n) en(de) ette(n) int voirs(creven) hoff met sijne(n) beesten
//
en(de) mest d(air)aff maken en(de) opde lande voe(re)n alsoe wel opde/ verste als opde naiste It(em) de voirs(creven) everart sal moege(n) alsoe/ vele mest coopen alst hem believe(n) sal wair dat sij ende/ dat sal de sulle(n) wynne(n) half betale(n) en(de) vue(re)n opt lant d(air)t/ everarde believe(n) sal It(em) de voirs(creven) wynne(n) sullen jairl(ijcx)/ m(er)ghelen twee boend(er) lants inde brake oft meer te weten(e)/ op elck boend(er) xii voede(re)n m(er)gels en(de) elck voed(er) met drie/ goede(n) p(er)den en(de) everart sal den m(er)ghel betalen opde cuyle/ en(de) de wynne(n) sullen dien ald(air) halen op hue(re)n cost en(de)/ opt lant vue(re)n slants meeste(n) p(ro)fijte It(em) en sulle(n) de voirs(creven)/ wynne(n) de voirs(creven) lande(n) niet moege(n) hoervruchte(n) mair die/ laten thue(re)n afsceyden(e) ongehoervrucht te weten(e) in drie/ arden die wel en(de) loflijck besaeyen gelijck voirs(creven) es/ en(de) de brake en(de) stortte o(m)megedaen elc op een getijdege/ vo(r)e alsoe die behoirlijc es va(n) doen(e) It(em) sulle(n) de voirs(creven)/ wynne(n) de helicht die hen afgaen(de) es vande(n) voirs(creven) vruchte(n)/ beyde vande(n) wynt(er)coren(e) en(de) som(er)coren(e) leve(re)n en(de) voe(re)n in/ everarts schue(re) eer sij thue(re) moege(n) rue(re)n va(n) stucke te stucke/ en(de) tcore(n) d(air)aff comen(de) sulle(n) de wynne(n) te loven(e) leve(re)n in/ huers selfs sacken dairt den voirs(creven) everarde believe(n) sal It(em)/ everart sal inden oeghst sette(n) eene(n) man die de banden/ spreyen sal dien sullen de wynne(n) den montcost geve(n) It(em)/ de wynne(n) sullen jairl(ijcx) leve(re)n en(de) geve(n) vijftich mandele(n) walms/oe om tvoirs(creven) hoff d(air) mede te houden(e) It(em) allet oeft jairl(ijcx)/ int voirs(creven) hoff wassende dat sal men te gelijken coste t(er)/ eerde(n) leve(re)n en(de) de wynne(n) sullen everarts helicht te loven(e)/ vue(re)n op hue(re)n cost It(em) sullen de voirs(creven) wynne(n) hue(re)n t(er)mij(n)/ due(re)nde alle de vreden strate(n) wat(er)leyden ryolen en(de) grechte(n)/ vande(n) voirs(creven) landen en(de) goeden alsoe houden dat de voirs(creven)/ everart d(air) bij gheen scade en hebbe en(de) gehouden sijn tot/ hue(re)n afsceyden(e) alle de vrede(n) aende lande(n) weyde(n) boeg(ar)de(n)/ eeusselen te decken plecken grechte(n) strate(n) en(de) wat(er)leyden te/ laten(e) te weten(e) al bevreet en(de) alsoe sij die gevonde(n) hebbe(n)/ en(de) die grechte(n) uut te worpe(n) en(de) die eerde sulle(n) de/ voirs(creven) wynne(n) sculd(ich) sijn jairlijcx opt lant te voe(re)n slants/ meeste(n) p(ro)fijte It(em) soe wa(n)neer dat everart e(n)nige voerle(n)/ doet roeyen oft e(n)nige grechte(n) doet maken soe sullen/ de voirs(creven) wynne(n) sculd(ich) sijn half de dachue(re)n betalen Item
//
everart sal houde(n) sijn camere(n) met hue(re)n toebehoirte(n) gelijck sijn/ ouders en(de) hij gehouden hebben en(de) mette(n) dofhuyse mair tduy/ ve(n) mest sullen de wynne(n) moege(n) half hebben en(de) opt/ lant voe(re)n en(de) dand(er) helicht sal everarde blive(n) om sijne(n)/ wille d(air) mede te doen(e) It(em) waert soe dat everardt/ van ouden wercke int voirs(creven) hoff yet dede wercken te/ weten(e) decken plecken metsen oft ty(m)me(re)n d(air) aff sal everart/ de dachue(re)n betale(n) en(de) de wynne(n) sullen den montcost/ geve(n) en(de) de wynne(n) sullen sculd(ich) sijn alle de stoffe totte(n)/ wercke dienen(de) aen te halen(e) soe wair dat sij Ende/ soe [wat] d(er) wynne(n) beesten breeken vand(er) onderster rijkelen/ ned(er)weert dat sullen de wynne(n) sculd(ich) sijn te doen maken/ op hue(re)n cost It(em) de wynne(n) en sulle(n) niet moete(n) e(n)nige/ beesten drive(n) opde voirs(creven) besaeyde lande sond(er) consent va(n)/ everarde It(em) noch sulle(n) de voirs(creven) wynne(n) tot huere(n) afsceyden(e)/ jairlijcx die stalle(n) en(de) messien uut vue(re)n opde voirs(creven) lande/ tot slants meeste(n) p(ro)fijte alsoe wel opde verste als opde/ naiste It(em) es noch ond(er)sproken dat de voirs(creven) wynne(n) sulle(n)/ jairlijcx cundige(n) en(de) laten wete(n) die chijsdage die men ald(air)/ houden(de) es En(de) waert dat sijs niet en daden en(de) scade/ d(air)aff q(ua)me soe sulle(n) de wynne(n) de scade en(de) den last betalen/ It(em) sullen de selve wynne(n) sculdich sijn besaeyt te laten tot/ hue(re)n afsceyden(e) sesse boende(re)n lants met goed(er) t(ar)wen en(de) dat/ t(er) plaetsen dair de selve t(ar)we ald(air) p(ro)fijtelijcst gesaeyt soude/ moege(n) sijn Noch sullen de wynne(n) jairlijcx te loven(e) vue(re)n/ alle everarts visschen It(em) sullen de wynne(n) doen jairlijcx drie/twee carweyen It(em) de wynne(n) en sullen niet moege(n) houde(n)/ gansen noch enden opt voirs(creven) hoff It(em) de voirs(creven) wynne(n)/ sullen jairlijcx aenhalen int voirs(creven) hoff alle den lueck van/ alle den willeghen ald(air) staende en(de) de staken d(air)aff comen(de)/ sullen de wynne(n) opde wijng(ar)de voe(re)n dairt everarde believe(n)/ sal It(em) de wynne(n) sullen aende blueken en(de) beemde(n) die/ de wynne(n) houde(n)de sijn en(de) dairs van doene es maken goede/ vaste thuyne(n) jairlijcx vande(n) afvalle vande(n) willegen/ staken en(de) deeussels die sij houden(de) sijn sullen de sij v(er)make(n)/ jairlijcx mette(n) eyken(en) strunckhoute en(de) heyssele ald(air) staende/ en(de) de wynne(n) sulle(n) hue(r) berhout vande(n) voirlen vande(n)/ landen en(de) daert de wynne(n) jairl(ijcx) mede v(er)maken sonder/ meer En(de) de wynne(n) sulle(n) vande(n) droege(n) willegen aldair/ jairlijcx sijnde hebben de helicht en(de) everarts helicht sullen
//
sij te loven(e) bringe(n) It(em) de wynne(n) en sullen niet myn moege(n)/ houden dan een hond(er)t scapen It(em) waert dat e(n)nige scade/ ald(air) gesciede inde blueke als als die gesaeyt sijn va(n) e(n)nige(n)/ beeste(n) die scade sulle(n) de wynne(n) sculd(ich) sijn te betalen(e) wa(n)t/ hij sculd(ich) es toe te siene en(de) wel te v(er)maken(e) It(em) de wynne(n)/ en sulle(n) niet moege(n) ande(re) lande(n) errien noch wynne(n) dan/ de voirs(creven) lande(n) vande(n) hove noch en sulle(n) de wynne(n)/ niet moege(n) va(r)en noch wynne(n) gelt met wagen(e)/ noch met p(er)de(n) dan hante(re)n huers selfs lant vande(n) hove/ ten wa(r)e dat de voirs(creven) everart hadde e(n)nige berhout/ te bringen(e) om sijns selfs berren alleene sond(er) meer en(de) dat/ sullen de wynne(n) bringe(n) en(de) hebben voir hue(r) bringen/ van elker wissen en(de) thond(er)t vande(n) houte i(½) st(uvers) va(n) elcx/ sond(er) meer Noch sullen de wynne(n) sculd(ich) sijn de messie/ ront o(m)me te eerden(e) It(em) es ond(er)sproken dat de wynne(n)/ jairlijcx voirt uut sulle(n) hebben een hoecxken lants ge/ legen acht(er) thoogeblock En(de) alle dese vorweerde(n) (et)c(etera) Et/ p(ri)m(us) cor(am) hove nausnydere januarii xiiii