Nae dien dat op heden inde banc voir meye(re) en(de) scepen(en) willem/ van buetsele weert inde weldegans te kynne(n) heeft gegeve(n)/ hoe dat hij met behoirlijcken rastame(n)ten hadde geprocedert/ op seke(re) p(er)den toebehoiren(de) m(ijnen) hee(re) va(n) ghete en(de) eene(n) geheete(n)/ henricke beecxken staen(de) bynne(n) sijne(n) huyse voir teringe d(er) selv(er)/ p(er)de(n) montcoste(n) en(de) and(er)ssins Ende hoe dat hij de behoirlijcke/ conde hadde gedaen den voirs(creven) p(er)sone(n) d(air)aff den dach va(n) rechte/ op heden als tot eene(n) gecontinueerde(n) dage dienen(de) was hem/ des gedragen(de) totte(n) brieve(n) va(n) des(er) stadt d(air)op bijden secre/ tar(is) geexpedieert en(de) oic tott(er) conden d(air)aff gedaen bijde(n)/ bode en(de) oic vande(n) vorste(re) aengaen(de) den rastame(n)ten staen(de)/ geregistreert alh(ier) ind(er) came(re)n vand(er) daet januarii xvii/ lestlede(n) hopen(de) alsoe dat hij sijn p(ri)ncipale scult v(er)hale(n)/ soude aende selve gerasteerde p(er)de(n) met coste ende/ co(m)me(re) d(air)op gegaen p(rese)nte(re)nde d(air)aff sijn ve(r)ificatie te doen(e)/ vand(er) selv(er) scult op dats behoefde v(er)sueken(de) d(air)aff trecht/ als dat de scepen(en) gemae(n)t sijnde hebben gewesen ter/ manissen smeyers hen gebleken sijnde vande(n) voirs(creven) rasta/ mente(n) en(de) oic d(er) conden Geliefde willem(me) sijn scult/ te ve(r)ifice(re)n dat hij dat doen mochte en(de) d(air)entinde(n)/ recht dwelc de selve willem ten heylige(n) gedaen heeft/ te weten(e) als dat m(ijn) hee(re) van ghete voirs(creven) hem wettelijck/ sculd(ich) soude sijn de so(m)me va(n) ii[c] lxiiii(½) r(inssche) gulden(en) ende/ henrick beecxken xviii r(inssche) gul(den) en(de) xvi(½) st(uvers) sond(er) de costen/ vanden taelma(n)ne en(de) vande(n) eedegelde bij hem d(air)aff als
//
boven gedaen Conclude(re)nde als bove(n) dair tege(n) amele heyntens/ heeft doen seggen hoe dat sij hoopte den voirs(creven) willem(me) te/ p(ro)cede(re)n mits seke(re)n rastame(n)ten die sij voir den voirs(creven) willem(me)/ alsoe sij seyde opde selve p(er)den gedaen soude hebben mits/ seker(en) scult die sij uutstaen(de) hadde aen m(ijnen) hee(re) va(n) gheten/ Dair tegen de voirs(creven) willem dede seggen hoe dat hij p(ro)cedeerde/ tegen den selve(n) hee(re) van ghete en(de) den voirs(creven) henr(icke) en(de) hue(r) p(er)de(n)/ segge(n)de hadden sij e(n)nich voirde(r) oft stercker recht opde voirs(creven)/ goede dat sij dat soude volgen soe dat behoirde v(er)sueken(de)/ altijt tvo(n)nisse opde voirs(creven) gerasteerde goede den voirs(creven) p(er)sone(n)/ toebehoiren(de) nae sgheens des dair aff met rechte geschiet/ was en(de) nae de ve(r)ificatie bij hem gedaen en(de) cleernissen voirs(creven)/ Es gewesen t(er) manissen smeyers dat willem va(n) buetsele/ voirs(creven) de gerasteerde goeden sal moege(n) v(er)coopen en(de) ten hoochste(n)/ bringe(n) behalve(n) amelen heyntens hue(re)r actien aende pe(n)ni(n)ge(n)/ d(air)aff comen(de) om d(air)aff gedaen te wordden(e) alsoe nae/ recht behoire(n) sal In sca(m)pno januarii xxii