Nae dien dat collart vanden poele poirte(r) van loven(e)/ heeft doen ontraste(re)n een sijn peert en(de) ande(re) haeflijcke/ goede met brieve(n) van des(er) stadt gescr(even) aende(n) meye(re) le/ duc a corbaix die van heerheyde(n) de selve goede ge/ rasteert hadde voir kue(re)n en(de) brueken die de meye(r)/ den poirte(re) eysschen(de) was en(de) den selve(n) meye(re) dach va(n)/ rechte alhier inde banc voir meye(re) en(de) scepen(en) te (com)pare(re)n/ gedaen es geweest Soe sijn de p(ro)cur(eur) des voirs(creven) poirt(er)s/ en(de) de p(ro)cur(eur) vande(n) meye(re) gecompar(eer)t tegen malcande(re)n/ Ald(air) de p(ro)cur(eur) vande(n) poirte(re) bekint heeft dat tvoirs(creven)/ rastame(n)t geschiet was voir en(de) eer de poirte(r) aenge/ nome(n) hadde de vrijh(eit) vander poirterien en(de) soe was hij/ te vreden dat hij te rechte blive(n) soude inde banck en(de)/ t(er) plaetse(n) dairt tvoirs(creven) rastame(n)t gedaen was geweest/ In sca(m)pno januarii xxii