It(em) barthelomeus vande(n) eede inden name van hem en(de) als/ p(ro)cur(eur) roelofs va(n) berthe(m) die voir hem heeft seke(r) appointeme(n)t/ gegeve(n) inde(n) raide van braba(n)t tegen janne van vaelbeke/ d(air) inne de selve jan es geduemt geweest te namptise(re)n inde/ greffie en(de) dan den voirs(creven) barthelmeeuse op cautie te trecken/ alsulken acht(er)stellige rinte(n) alse v(er)schene(n) sijn oft hier naemails/ v(er)schijne(n) sullen vande(n) xxxv gulden croone(n) oft de weerde/ d(air)aff in ande(re)n goeden gelde die de voirs(creven) barthelmeeus en(de)/ roelof jairlijcx hebben en(de) heffen(de) sijn opde goede des voirs(creven)/ jans va(n) vaelbeke e(m)mers tott(er) tijt toe dat tvo(n)nisse int/ p(ri)ncipael d(air)aff die sake alsnu inde(n) brabantsche(n) raide/ hangen(de) es gegaen en(de) geluyt sal sijn in p(rese)ntia heeft gelooft/ de acht(er)stellige rinte(n) va(n) dien v(er)schene(n) te kersmisse/ lestlede(n) te weten(e) xvii(½) gulden(en) croone(n) te xxxviii stuv(er)s/ tstuck d(air)aff hij sijn quitan(cie) gegeve(n) heeft in all oft in deele/ te restitue(re)n Bij alsoe naemails bijder diffinitive(n) vander/ voirs(creven) saken en(de) materien p(ri)ncipael geseecht wordde dat/ soe behoirde En(de) hier voe(r) es borghe des voirs(creven) barthelmeeus/ jan van berthe(m) sone des voirs(creven) roelofs Et p(ri)m(us) cor(am) g(odefrido) b(er)ge/ scoenvorst januarii xxi