Want h(er) jan flami(n)gi prieste(r) als geleyt nae des(er) stadt recht/ voir sijn wettich gebreck uut crachte va(n) scepen(en) brieve(n)/ van loven(e) tot allen den goeden beyde have en(de) erve lodewijcx/ van dongleb(er)t soe wair die gelege(n) sijn hem met brieve(n)/ van des(er) stadt gescr(even) aende(n) meye(re) va(n) chamo(n)t oft sijne(n) stadhoude(re)/ alle de selve goede behoirlijck heeft doen leve(re)n oft cornelijse/ reyns des(er) stadt bode in sijne(n) name den voirs(creven) en(de) den/ voirs(creven) lodewijcke dach va(n) rechte doen besceyden te (com)pare(re)n/ inde banc voir meye(re) en(de) scepen(en) va(n) loven(e) oft hij hem tege(n)/ de selve leveri(n)ge hadde willen oppone(re)n ald(air) s hij noch oic/ p(ro)cur(eur) va(n) sijne(n) wege(n) op hede(n) als ten v(er)streken(en) dage niet/ en compar(eer)de den voirs(creven) geleydden (com)pare(re)nde en(de) trecht/ voirt v(er)sueken(de) Soe hebben scepen(en) van loven(e) t(er) manissen/ smeyers nae dat hen bij cleernissen des voirs(creven) boden behoirl(ijck)/ hadde gebleken de voirs(creven) executie geschiet te sijne gewesen/ voir een vo(n)nisse Soe v(er)re de wed(er)p(ar)tie vande(n) geleydde(n)/ niet en (com)par(eer)de ten opstane va(n) meye(re) en(de) scepen(en) dat men/ den selve(n) geleydden vande(n) voirs(creven) goede(n) houde(n) soude inde/ macht va(n) sijne(n) scep(enen) br(ieven) va(n) loven(e) alsoe v(er)re alst noch/ voir scepen(en) come(n) es In sca(m)pno januarii xxii