Ind(er) saken gecomen bijd(en) rade vand(er) stat tusschen gorijse/ goed(er)thuys t(er) eenre en(de) joh(ann)ese de vos inden name van/ zijnd(er) huysvr(ouwen) en(de) met hem henr(icke) willems en(de) jacop eve/ loghe inden name vand(en) ande(re)n kinde(re)n jans wijlen/ goed(er)thuys t(er) and(er) zijden Aengaen(de) den rekeni(n)g(en) die/ de vors(creven) joh(ann)es de vos en(de) sijn consorte(n) bege(re)nde wa(r)en/ vand(en) voirs(creven) gorijse D(air)aff de vive ierste bij e(n)nighen/ gedeput(eer)den vand(er) stat ov(er)sien wa(r)en en(de) genoech totten/ sluyten(e) geutent en(de) seke(re) appoi(ntemen)[ten] en(de) uutspraken Dairop/ gegeve(n) en(de) oick aengaen(de) seke(re)n ande(re)n acht reken(ingen) ver/ volgen(de) noch ongetekent mair bij gorijsen de vii d(air)aff/ ov(er)geg(even) d(air)aff deselve joh(ann)es de vos met sijne(n) (con)sorten/ v(er)socht die geexpedieert te wordden(e) en(de) dat de (com)missarise/ die d(air)toe bijd(er) stat geordineert wa(r)en die soud(en) expedie(re)n/ ten ynde dat hij en(de) ande(re) sijn (con)sorten soud(en) mogen wete(n)/ dynde d(er) selv(er) om te weten(e) wes zij vorts te doen(e) soud(en)/ hebben huer(er) deyling(en) en(de) goed(en) aengaen(de) Dair op de/ vors(creven) gorijs heeft gesustineert en(de) begheert want e(n)nige/ dolinge soe int uutgeven en(de) ontfanck soud(e) moghen/ bevonden wordden inde selve [leste] vii oft viii rekeni(n)gen/ en(de) hij die selve gebreken beg(er)de te bete(re)n alsoe hij bevi(n)d(en)/ soud(e) beho(r)ende soe v(er)socht deselve de vors(creven) vii oft viii/ leste ov(er)geg(even) reken(ingen) ov(er) te hebben(e) die in handen wa(r)en/ vand(en) vors(creven) geco(m)mitt(eer)d(en) om deselve v(er)anderi(n)ge te doen(e)/ Dair op de vors(creven) zijn wed(er)p(ar)tie gesustineert heeft de/ co(n)trarie seggen(de) dat die eens ov(er)geg(even) wa(r)en en(de) alsoe/ behoird(en) die te bliven(e) in hand(en) vand(en) geco(m)mitt(eer)d(en) sond(er)/ e(n)nige v(er)anderi(n)ge d(air)aff te gebueren(e) om nae recht geuzeert/ te wordden(e) soe beho(r)en soude Es bijden selven raide/ p(ar)tien gehoirt geappointeert en(de) uutgesproken dat de
//
vors(creven) reken(ingen) blive(n) soud(en) in wesen(e) en(de) in handen vand(en)/ geco(m)mitt(eer)d(en) om d(air)aff gedaen te worden(e) soe beho(r)en soud(e)/ behalve(n) dat de selve gorijs op zijn v(er)anderi(n)ghe/ bijd(en) selve(n) ge(com)mitt(eer)d(en) gehort soud(e) wordden en(de) oick/ de wed(er)p(ar)tie om bijd(en) selven ge(com)mitt(eer)d(en) in die(n) beslicht/ te gescieden(e) op al gelet soe zij bevi(n)den soud(en) beho(r)ende/ oft deselve geco(m)mitt(eer)d(en) soud(en) die difficulteyte(n) mogen/ in avijse houden om d(air)aff bijd(er) stat en(de) he(re) gedaen te/ wordden(e) soe beho(r)en soude Naeden welken de vors(creven)/ gor(ijs) hem h(ier)mede sustineerde v(er)last te zijne in dien/ dat hij deselve zijn gebrek(en) bij gesc(ri)fte niet en soud(e)/ mogen ov(er)geve(n) bege(re)nde tselve te doen(e) opde voirs(creven)/ vii oft viii leste rekeni(n)gen de vors(creven) sijn wed(er)p(ar)tie bliven(de)/ bij tgene des vo(r)e geseet was Es nae v(er)cleert bijder/ selv(er) stat dat de vors(creven) gorijs sijn gebreken van aff en(de)/ toe te doen(e) als vo(r)e v(er)haelt es sal mogen doen bij gesc(ri)pte/ en(de) die vuegen totten vorgaen(de) reken(ingen) behalven zijn/ wed(er)p(ar)tie hue(r) wed(er)leggen in dien en(de) oick met gesc(ri)pte/ op dat he(m) belieft om alsdan deselve materie va(n)d(en)/ reken(ingen) vors(creven) bijd(en) geco(m)mitt(eer)d(en) als vo(r)e d(air)inne gep(ro)ced(eer)t/ en(de) geexpedieert te wordden(e) zoe zij bevi(n)den selen/ beho(r)ende Actu(m) in cons(ili)[o] opidi aug(usti) s(e)c(un)da