Wij grave(n) reniers scepen(en) van lov(ene)/ doen condt en(de) kinlijck allen lieden die/ dese onse l(ette)ren sullen sien oft ho(r)en lesen/ dat opd(en) dach van heden datu(m) van des(en)/ voer ons gecomp(ar)eert en(de) gecome(n) zijn/ in prope(re)n p(er)soen(en) arnt van(den) veken(en) sone/ wijlen jans en(de) katlijn(e) willems huysvr(ouwe)/ desselfs arnts en(de) yngelbeert de lareul/ en(de) a(n)ne van(den) veken(en) huysvr(ouw)[e] des voirs(creven)/ yngelbeerts en(de) dochter des voirs(creven) arnts/ wonen(de) te loven(e) willem gheerkens/ briede(r) en(de) magdalene van(den) veken(en) sijn/ huysvr(ouw)[e] insgelijcx dochte(r) des voirs(creven)/ arnts wonen(de) te wiltsele en(de) mathijs/ kijnen en(de) jacomijn(e) van(den) veken(en) sijn/ huysvr(ouw)[e] oick docht(er) des voirs(creven) arnts/ wonen(de) onder de prochie van bierbeke/ hen sterck maken(de) alle de voirs(creven) p(er)soen(en)/ o(m)bezundert o(n)versceyd(en) en(de) elck een voe(r)/ al voer thomasen [vacat] en(de) katlijn(en)/ van(den) veken(en) sijnd(er) huysvr(ouw)[en] De selve/ p(er)soen(en) gesien gehoirt en(de) wel verstaen/ hebben(de) soe elck hue(r) vercleerde het/ testament ende uuyt(er)sten wille jans/ wijlen betermans brueders des voirs(creven)/ arnts en(de) van katlijn(en) van rillair sijnd(er)/ huysvr(ouw)[en] gemaict en(de) gepasseert/ voe(r) joha(nne)se van hove openbair notar(ijs)/ en(de) seke(re) getuygen opd(en) vii[te(n)] dach der/ maent van martio inden ja(re) der geboerte(n)/ ons hee(re)n jh(es)u (christ)i xv[c] xli opd(en) vi[te(n)]/ dach der maent van meye bijd(er) selv(er)/ katlijn(en) van rillair wed(uw)[e] des voirs(creven)/ jans wijlen beterman gemaict ende/ gepasseert voe(r) m(eester) jan(ne) symoens/ openbair notar(ijs) en(de) seke(re) getuygen/ en(de) van(der) w(eer)den oft onw(eer)den van welken/ testamen(te) der voirs(creven) lijsbette(n) katlijn(en) van/ rillair questie en(de) proces es hangen(de)/ voe(r) scepen(en) van loven(e) Ende vanden
//
inhoud(en) van welken twee testamen(ten)/ en(de) vand(en) rechte dwelck hen ende/ elken van hen dair uuyt en(de) anderss(ins)/ aen(den) goed(en) bijd(en) voirs(creven) jan(ne) wijle(n) bet(er)man/ en(de) bij katlijn(en) van rillair acht(er)gelaten/ ende hen oft den een(en) van hen e(n)nichss(ins)/ co(m)peteren(de) oft dwelck hen soude hebbe(n)/ moegen co(m)pete(re)n wel geinformeert/ en(de) oick van(den) w(eer)den en(de) groette vand(en)/ selve(n) acht(er)gelaten goed(en) wel te by(n)ne(n)/ zijn(de) soe zij en(de) elck huer(er) v(er)cleerden/ Om voirde(r) proces en(de) questie te scouwen(e)/ ende anderss(ins) uuyt heu(re)n vrijen eygen(en)/ wille en(de) wetentheyt hebben alle/ de selve p(er)soen(en) voe(r) hen hue(re)n erve(n) en(de)/ nacomelingen ov(er)mits der so(m)men van/ vijfhondert carolus guld(en) te xx stuv(er)s/ stuck de welcke zij hen bijd(en) eer(werdigen)?/ hee(re)n en(de) m(eester) pete(re)n de cortte prieste(r) doctoir/ inder heyliger godheyt pete(re)n vrindt/ doctoir inden rechten anth(onijs) van(der) beken/ als executeurs vand(en) voirs(creven) testamen(te)/ en(de) uuyt(er)sten wille der voirs(creven) katlijn(en)/ wijlen van rillair in gereden d(eniere) over/ getelt zijn en(de) hen alsoe dair aff be/ kynd(en) v(er)nueght geweest te zijn(e) in/ alle der bester forme(n) vuege wege/ en(de) manie(re) hen moegelijcxst wesen(e)/ gelaudeert geapprobeert en(de) ratificeert hebben/ laude(re)n approbe(re)n en(de) ratifice(re)n mits desen/ het voirs(creven) testament der voirsc(reven) katlijn(en)/ van rillair bij hue(r) voerd(en) voirs(creven) m(eester)/ jan(ne) symoens gemaect Te vreden/ zijn(de) dat de voirs(creven) executeurs vand(en)/ selve(n) testamen(te) der voirs(creven) katlijn(en) tselve/ testament sullen effectue(re)n en(de) ter ex/ ecutie(n) stellen op en(de) van allen den goed(en)/ beruerlijck en(de) o(m)beruerlijck soe wel leen/ als ande(re) soe bijd(en) voirs(creven) jan(ne) wijlen
//
beterman soe oick bijd(er) voirs(creven) katlijn(en) van/ rillair sijnd(er) huysvr(ouw)[en] en(de) bij elken van/ hen acht(er)gelaten [en(de) bezunde(r) va(n) alle legaten oft makinge die hen oft e(n)nich van hen uut crachte vand(en) voirs(creven) testamen(te) soud(en) moegen co(m)pete(re)n in wat manie(re)n dat wa(r)e] tot behoeff der geinstitu/ tueerde erfg(enam)[en] der voirs(creven) katlijn(en) ende/ oick tot behoeff der executien van(den) selve(n)/ testamen(te) der voirs(creven) katlijn(en) naer inhoudt/ vand(en) selve(n) testamen(te) behoirl(ijck) renu(n)tieren(de) en(de)/ verthijen(de) geloven(de) hen dairaff altijd genoech/ te doen(e) bij alsoe zij hen mits desen yet/ te nauwe gedaen hadd(en) Scelden(de) alle de/ selve co(m)paran(te) den voirs(creven) executeurs en(de)/ oick den sterfhuyse des voirs(creven) jans bet(er)ma(n)s/ en(de) katlijn(en) van rillair dairaff en(de) voirts anderss(ins)/ van alle des zij en(de) elck heur(er) soud(en) moegen/ eysschen(de) zij(n) uuyt wat saken tselve wa(r)e/ het zij testamen(te) legaten oft anderssins/ by(n)ne(n) oft buyte(n) den voirs(creven) testamen(te) vol/ comel(ijck) quijte geloven(de) hen d(air)af nu(m)m(er)meer/ aen te spreken(e) te moyen oft te moleste(re)n/ in egheen(en) rechte geestelijck noch weerlijck/ mair van des(en) cessien approbatien en(de) quiten(e)/ tegen een(en)yegelijcken inne te staen(e) ende/ gerecht warant te zijn(e) en(de) te blive(n) tot/ eeuwigen dagen als v(er)reycte scult oblig(erende)/ en(de) submitteren(de) en(de) renu(n)tieren(de) (et)c(etera) prout/ Scelden(de) desgelijcx mits desen de voirs(creven)/ executeurs soe van de voirs(creven) executie(n)/ wegen soe oick v(er)va(n)gen(de) derfg(enam)[en] der/ voirs(creven) wijlen katlijn(en) van rillair den voirs(creven)/ arnde van(den) veken(en) en(de) zijn(en) (con)sorten voirs(creven)/ van tgene des zij hen oft den een(en) van/ hen soe als executeurs soe den erfg(enam)[en]/ voirs(creven) als erfgename(n) der voirs(creven) wijlen/ katlijn(en) e(n)nichss(ins) soud(en) moegen eysschen(de)/ wesen geloven(de) hen dairaf nu(m)m(er)meer/ aen te spreken(e) te vexe(re)n noch te moyen/ bij hen selve(n) oft yemant anders van/ hue(re)ntwegen in e(n)niger manie(re)n mair/ he(n) van des(en) tegen een(en)yegel(ijcken) inne te/ staen(e) en(de) gerecht garant te zijn(e) v(er)binden(de)/ en(de) submitt(erende) de voirs(creven) executeurs alle de/ voirs(creven) executie(n) goed(en) septe(m)bris xxiii/ a(n)no xv[c] een(en) negen(en) veertich