It(em) jan inde maen die naden recht der stat van loeven comen en(de) gheleyt es totte(n)/ goeden gielijs van louwen van waelhem so waer die gelegen sijn heeft geloeft/ dat hij janne vanden velde den jonge en(de) m(ar)griete(n) sinen wive mette(n) voirs(creven) na/ tuerlic dochte(re) willems wilen doyen van waelhem mette(n) voirs(creven) sinen beleyde ni(m) m(er)me(er) letsel noch hynder doen en sal aende [erfelike renten] goede gelegen te waelhem te duffle/en(de) daeromtrint die de voirs(creven) jan vanden velde en(de) m(ar)griet sijn aen wijf gecocht en(de)/gecregen hebben en(de) houdende sijn aen en(de) op seker goede en(de) pande des voirs(creven)/ gielijs van louwen gelegen tot waelhem te duffle en(de) daeromtrint En(de) des gelijx/ aen engheen vanden condicien vorwerden en(de) geloeften die de selve gielijs den voirs(creven)/ janne en(de) m(ar)grieten sinen wive vanden voirs(creven) erfrenten gedaen he en(de) geloeft/ heeft sonder argelist absoloen velde julij viii