It(em) goessen colay mabilie sijn wijf weduwe henrics wilen heytberchs/ geldolf heytberchs sone d(er) voirs(creven) mabilien te voren uut(er) selv(er)/ mabilie(n) sijnre moed(er) broede gedaen en(de) henric natuerlic sone der/se voirs(creven) mabilien in jegenwordich(eit) d(er) scepen(en) va(n) loeve(n) gestae(n)/ hebbe(n) quijtghescoude(n) openbaerlic meest(er) arnde vand(er) lynden/ p(ri)est(er) en(de) woute(re)n van wet(er)beke van allen en(de) yegewelken/ eysschinge(n) en(de) aensprake(n) van goede het si van have(n) oft van [rente erve lijfp(ensien) [tocht]]/[of van] erve beruerlic ocht [en(de)] onberuerlic der welk(er) hen de vors(creven) meest(er)/ arnt en(de) wout(er) aenkeert gehave(n) uutgegeve(n) en(de) opgeboert/ moge(n) hebbe(n) die bleve(n) zijn na en(de) vand(er) doet des voirs(creven) wile(n)/ henrics het si uut macht van scepen(en) brieve(n) va(n) loeve(n) oft anders/ in wat manie(re)n de voirs(creven) meest(er) arnt en(de) wout(er) hen d(er) voirs(creven)/

goede dat dat sijn mach niet daer uut gescheide(n) En(de) voert/ van allen ande(re)n schouden geloeften eysschinghen actien beclaghe/ brieve(n) goeden en(de) dinghen dair in de vors(creven) meest(er) arnt en(de) wout(er)/ tot de(n) voirs(creven) goessen(en) mabilie(n) sine(n) wive geldolf en(de) henricke(n) hae(re)n/ soene(n) gehoude(n) oft verbonden mochten sijn van wat sake(n) [oft stucke(n)] dat dat/ sijn mach tot opte(n) dach van hede(n) Bekennende de voirs(creven) goessen en(de) mabilie/ sijn wijf geldolf en(de) henric hae(r) soene hen van allen sake(n) geheelic en(de)/ al genoech gedaen sijnde ghelovende voert de selve goessen mabilie/ sijn wijf geldolf en(de) henric hae(r) sone de(n) voirs(creven) meest(er) arnde en(de) woute(re)n/ vande(n) sake(n) voirscr(even) nu(m)m(er)meer aen te spreke(n) te moeye(n) te daghe(n) noch te/ vexe(re)n of in sake te trecken bi hen selve(n) noch by nyemant anders/ in neghene(n) recht gheestelic oft werelt oft and(er)s in e(n)nig(er) manie(re)n/ cor(am) rike lomb(ar)t maii xix