Van bouden vanden loke/ Het sijn comen in recht voe(r) meye(re) en(de) scepen(en) van loeven inde banck ald(aer)/ de voirs(creven) bouden vanden loke in deen side en(de) jacob van orshaghen/ die na den rechte d(er) stat van loeven comen en(de) geleydt es tot de(n) goede(n)/ boudens van buyte(n) sijns sweers in dande(re) daer de vors(creven) bouden vande(n) loke/ aensprack de goede gescreven int getuyghnisse dat de vors(creven) bouden/ inden voirs(creven) gedinge leydde gelijc dat gescreve(n) steet int seventhienste/ blat recht hier te voren met alsulken woerden alsmen claerlic/ gevuele(n) mach inden selven getuyghnisse gemerct dat de selve boude(n)/ vanden loke alle de vors(creven) punten en(de) articiele(n) inden vors(creven) getuyghnisse/ gheruert in zijnre aensprake(n) noepte en(de) ruerde Daer op de vors(creven)/ jacob van orshaghen verantwerde met alrehande woerde(n) en(de) besund(er)/ seggende de vors(creven) jacob dat alle tgheen dat de voirs(creven) bouden/ vanden loke in zijnre aensprak(en) ruerde hem en(de) sinen beleyde aende/ voirs(creven) goede gheen ontstade doen en soude na dat dat leengoede zijn/ gelijc hi dat boet te thoenen daer af de selve jacob thoende/ mette(n) meye(re) en(de) ma(n)ne van leene peters pot in sine(n) hof tot pluysegheem/ dat sij de(n) vors(creven) bouden van bute(n) hoerde(n) swe(re)n voe(r) pete(re)n pot vors(creven)/ dat den bodem vanden goede(n) daer eens deels tgedinge om was pande/ wa(r)en voe(r) x veerdele(n) rogs erfs pachts die hi op die goede hadde/ It(em) doen droege(n) noch de selve getuyghen dat si de(n) vors(creven) pete(re)n pot/ hoerde(n) segge(n) dat hi uut sien bueken sijnt dat de vors(creven) jacob die goede/ ontfaen hadde uut noch ingedaen en hadde Ende dit thoenisse aldus
//
in beyden siden geleydt maende de meye(r) van loeven de scepen(en)/ van loeven die wijsden voe(r) een vonnisse na aensprake na/ v(er)antwerden en(de) na thoe(n)nisse dat de vors(creven) bouden vanden/ vanden loke vanden goeden daer tgedinghe om es bliven sal/ Cora(m) mychaele absoloens henrico de borchoven johanne keyenoge/(et) joh(ann)e de hugarden scabinis lov(aniensibus) septembris xxiii anno/ m[mo] cccc[mo] xxxviii