Cond zij allen lieden dat henric van gheele van wezemael es comen/ voe(r) scepen(en) van loeven en(de) heeft gepacht en(de) genomen en(de) bekendt dat hi ge/ pacht en(de) genome(n) heeft vanden edele(n) joncke(re) janne he(re) tot wesemael etc(etera) sijn/ warande vande(n) conijnen te wesemael te houde(n) te hebbe(n) en(de) ten behoirlike(n) tijde/ de conijn te vanghe(n) van alre heylige(n) misse dat was int jae(r) ons he(re)n m cccc en(de)/ vijfen(de)dertich ene(n) t(er)mijn van neghen jae(re)n lanc deen na dand(er) d(aer) na sond(er) myddel/ volgende Elcs jaers dae(re)n bynne(n) om vijftich g(ri)pen te wete(n) xl pl(a)c(ken)/ brabants ghelts voe(r) elke(n) g(ri)pe voirs(creven) gerekent te groet vastelavont/ te betale(n) janne va(n) oestvorst de(n) jonghe(n) en(de) jannes vanden hove oft/ e(n)nich van hen b(ri)nghe(re) des briefs alle jae(re) de(n) vors(creven) t(er)mijn duer(ende) en(de) telke(n) t(er)mijn alse/ v(er)volghde schout En(de) is vorw(er)de dat de vors(creven) henr(ic) de vors(creven) warande/ wel en(de) getruwelic hueden en(de) v(er)wae(re)n sal en(de) de conijne niet vangen/ dan ten behoerlike(n) en(de) gewoenlike(n) tide en(de) de selve warande te(n) eynde/ vande(n) vors(creven) t(er)mijn van conijne(n) wel en(de) lof gep(ro)vant en(de) gestoffeert laten/ en(de) h(ier) af sijn borge(n) des vors(creven) henrics alse p(ri)n(cipa)le sculd(ere) onges(undert) en(de) ongescheyd(en) wout(er)/ va(n) gheele sijn brued(er) en(de) wout(er) vand(er) strate(n) q(uo)s indempnab(un)t abs(oloens) langr(ode) sept(embris) [xxvi]/