Cond sij allen lieden dat jan de keyser sone wouters de keyser/ es comen in jegenwordicheyt d(er) scepen(en) van loeve(n) en(de) heeft genome(n)/ en(de) bekendt dat hi genome(n) heeft van janne en(de) gheerde gheylinx/ gebruede(re)n thof des selfs jans en(de) gheerts gelege(n) ten bruel inde/ p(ro)chie van erpse mette(n) huyse(n) hove(n) wynnende(n) lande(n) beemde(n) eeusele(n)/ en(de) met alle(n) sine(n) toebehoirte(n) gelijc de selve gebruede(re) die goede ald(aer)/ houdende zijn Te houden te hebbe(n) en(de) te wynnen van half/ meye die wesen naest comende ene(n) t(er)mijn van seven ja(r)en/ lanc deen na dand(er) d(aer) na sond(er) myddel volgende elcs jaers daer/ en bynne(n) om neghenen(de)twintich mudde en(de) sesse halst(er) rogs
//
goede en(de) payabel pacht van erpse met wanne en(de) met vede(re)n wel bereydt/ d(er) maten van loeven tsente andries misse apostels te betale(n) en(de) tot loeven/ te leve(re)n alle ja(r)e de(n) vors(creven) t(er)mijn duer(ende) en(de) telke(n) t(er)mine alse v(er)volghde schout/ It(em) sal de(n) voirs(creven) jan de keyser de(n) vors(creven) gebruede(re)n jaerlex hie(re)n bynne(n) leve(re)n/ een mudde tarwe(n) een sister erwiten en(de) een zist(er) raepsaets d(er) mate(n) vors(creven)/ oec tsente andries misse apostels te betale(n) en(de) tot loeve(n) te leve(re)n daer voe(r) men/ hem vanden vors(creven) pachte and(er)half mudde rogs afcorten en(de) afslaen sal/ It(em) sal de vors(creven) wyn de eeusele vande(n) goede(n) vors(creven) wel en(de) loflic bevreden en(de)/ beheymen en(de) die bevreedt en(de) beheymt late(n) gelijc hi die vant te sine(n) incomen/ It(em) sal de selve wyn alle dmest dat hi inde vors(creven) goede gemaecht sal/ hebbe(n) te half meye opt leste ja(r)e opt vors(creven) lant gevuert hebbe(n) slants/ meeste(n) p(ro)fijt It(em) sal de vors(creven) wyn jaerlex hie(re)n bynne(n) leve(re)n xxv mandele(n)/ walme(re) goede en(de) cusbaer om de huysinghe d(aer) mede te decke(n) en(de) alsmen die/ ald(aer) v(er)dect so sal de vors(creven) wyn den wercliede(n) den montcost gheve(n) en(de)/ de vors(creven) jan en(de) gheert sele(n) de dachhue(re)n betale(n) It(em) alle doeft opte vors(creven)/ goede jaerlex wassende sele(n) de vors(creven) gebruede(re) en(de) de wyn deyle(n) en(de)/ hebbe(n) half en(de) half en(de) de voirs(creven) wyn sal de(n) vors(creven) gebruede(re)n hae(r) / helecht tot loeven leve(re)n It(em) [sal] de voirs(creven) wyn de huysinghe ald(aer) houden/ vand(er) underster rikele(n) ned(er)w(er)t sond(er) cost d(er) gebruede(re) voirs(creven) It(em) sal de/ vors(creven) wyn den voirs(creven) janne en(de) gheerde [gebruede(re)] jaerlex de(n) t(er)mijn vors(creven) duer(ende)/ doen twee corweyde(n) met sinen [wage(n) en(de)] p(er)den Ite(m) sal de vors(creven) wyn de eeusele/ ald(aer) opt leste ja(r)e vanden vors(creven) t(er)mijn te half merte onghe ett laten/ En(de) alle waert also dat daer e(n)nighe oude willighe v(er)droeghde die/ sal de vors(creven) wyn hebbe(n) en(de) twee poten daer voe(r) wed(er) setten En(de)/ is claerlic vorw(er)de en(de) ond(er)sproke(n) dat de vors(creven) wyn de voirs(creven) goede wel/ en(de) lofloc wynne(n) en(de) w(er)ven sal gelijc sine(n) reengenote(n) bove(n) en(de) beneden/ en(de) die laten te sinen affscheyden gelijc hi die vant te sine(n)/ ind(er) manie(re)n voirs(creven) [hier na bescr(even)] te weten tcapellevelt met sine(n) toebehoirte(n) met/ rogghe besayt op vier getidege vore(n) En(de) dbloc acht(er) thof met sijnre/ toebehoirte(n) met gherste besayt op iii voren en(de) dlijndbosch ald(aer) met/ sine(n) toebehoirte(n) sal hi brake late(n) op een vo(r)e Ite(m) en(de) opt een/ dachmael lants [vanden goede(n) vors(creven)] met raepsade It(em) alle tstro opte voirs(creven) goede wassende/ sal de vors(creven) wijn met sine(n) beeste(n) ald(aer) etten en(de) sliten en(de) mest d(aer) af/ make(n) en(de) dat wed(er) opt vors(creven) lant vuere(n) slants meeste(n) profijt/ En(de) alle dese vorw(er)den punte(n) en(de) cond(icien) bove(n) bescr(even) (et)c(etera)
//
En(de) des sijn borge(n) des vors(creven) jans de keyser [alse p(ri)n(cipa)le sculde(re)n ongesund(er)te en(de) ongesch(eiden)] wout(er) de keys(er) sijn/ vad(er) en(de) wout(er) capellema(n) wonende te campe(n)hout de welke/ de vors(creven) jan de keyser hier af geloeft heeft scadeloes en(de) co(m)merloes/ te houden en(de) tontheffen keyenoghe hug(ar)den sept(embris) xxv