Item arnt truydens van langdorp es come(n) voe(r) scepen(en)/ va(n) loeven en(de) heeft geloeft op sijn lijf en(de) op sijn goet en(de)/[op zoenbreke en(de) peysbreke te sijn] dat hi van negheenrehande saken wille die tusschen hem/ en(de) pete(re)n andries [geschiet es] de(n) selve(n) pete(re)n nu(m)mermeer hatye/ vede wangonst noch viantscap drage(n) noch doen en sal/ noch hem te camp eysschen noch daghe(n) noch moyen/ bute(n) lants in negheenre manie(re)n (...) kennende/ en(de) v(er)lijende de selve arnt truydens so waer hi hier/ jege(n) dade dat hi dan sijn soude zoenbreke en(de) peysbreke/ en(de) sijn lijf en(de) goet v(er)boert sal hebbe(n) ond(er) alle he(re)n en(de)/ gerichte d(aer) hi ond(er) vonden sal w(or)de Op also eest dat/ de vors(creven) arnt de(n) vors(creven) pete(re)n yet te eyssche(n) of aen te/ spreke(n) heeft dat hi dat doen mach mette(n) rechte/ cora(m) oppend(orp) vynckenbosch januarii xiii