Wij lodewijck roelofs en(de) jan van oppendorp scepen(en) te loeven(en) doen te weten/dat voer ons come(n) zijn h(er)jan ridd(er) philips en(de) joffr(ouwe) beatrijs wettighe kynde(re)/jonck(er) henr(ix) he(re) te scoenhove(n) etc(etera) te voe(re)n uut des selfs hoers vad(er)s brode/in behoirlike manie(re)n gedaen en(de) hebben ald(aer) geconstitueert en(de) wettelike/macht gegeve(n) goerde crabbe meye(r) te bierbeke Om alle hoe(re) goede die/zij hebben en(de) hen v(er)storven zijn van joffr(ouwe) johanne(n) wilen swaufs hoe(re)r oud(er)/moed(er) inde p(ro)chien van bierbeke en(de) van ly(n)den of d(aer)omtrint gelegen in huysen/hoven wynnen(de) landen beemden eusselen bosschen wate(re)n tsijse rente(n) erfpachte(n)/sculden en(de) allen ande(re)n hoe(re)n toebehoerten Te rege(re)n op te heffen te boeren/en(de) te innen de selve goede alle en(de) yegewelke met jaerscharen te v(er)hue(re)n en(de)/uut te gheven de houwe vanden bosschen te v(er)copen de p(ro)fiten d(aer)af comen(de)/tontfangen voe(r) gebreck van chijnse renten erfpachten en(de) ande(re) heerlicheid(en)/of v(er)vallen den voirs(creven) goeden(en) [toebehoe(re)nde] te panden en(de) te dagen en(de) die met rechte/te v(er)volgen van des hij ontfeet den sculde(re)n quijt te schelden en(de) quitancie(n)/te gheve(n) En(de) voerts al te doen en(de) te laten in tgene des voirs(creven) steet en(de)/des d(aer)aen cleven mach des de voirs(creven) mechtichmakers selve soude moge(n)/doen en(de) vorde(re)n of zij present en(de) voer oghen wae(re)n behoudelic hen hoe(re)r/erflicheit en(de) dat de voirs(creven) goert gehouden sal sijn hen altijt tot hoe(re)r/maniss(e) of des eens van hen goede rekeni(n)ge of besceit te doen va(n) zijne(n)/bewynde [en(de) ontfange] also behoiren sal en(de) hij voer ons geloefde te doen Geloven(de)/de selve mechtichmakers en(de) elc van hen goet vast en(de) gestentich te houde(n)/wes biden voirs(creven) goerde inden saken voirs(creven) en(de) d(aer)aen cleven(de) gedaen en(de)/bevord(er)t sal werden in e(n)niger manie(re)n Due(re)nde dese mechticheit tot d(er)/voirs(creven) mechtichmekers wed(er)roepe(n) en(de) niet lang(er) allen argelist hier inne/uutgesceiden des torconden hebben wij scepen(en) bove(n) ge(noemt) onse scepen(en) segele/hier aen doen hangen Gegeve(n) int jair ons he(re)n xiiii[c] [liiii] ix dage in julio