Item pet(er) bercx woenen(de) te houtve(n)ne en(de) gheerd bercx zijn brued(er)/ woenende te raemsele inde p(ro)chie van herssele in teg(enwoirdicheit) hebbe(n) v(er)huert/ en(de) bekend dat zij v(er)huert hebben werne(re)n vanden bercken woenen(de)/ te gheelrode de goede en(de) erfpacht hier na bescr(even) te weten ierst/ een dachmael lants of d(aer)omtrint gelegen te nuwerode int rot/ tuschen de goede arnts van wiltsele en(de) svoirs(creven) werners It(em) een/ half boend(er) lants of d(aer)omtrint gelegen te gheelrode op ten/ gruene(n)wech aenden cleerbosch ald(aer) tuschen den selven bosch/ en(de) de goede andries vanden ovenboe(re) It(em) vi molevate(n) en(de) tvijfste/ deel van twee moelevate(n) rogs d(er) maten van arschot erfspachts/ die de voirs(creven) gebruede(re)n hebben en(de) houdende zijn op huys ende/ hof svoirs(creven) werners gelegen te gheelrode tuschen de veldstrate/ en(de) de goede d(er) weduwen jans wilen vanden bercken Te houden/ te hebben en(de) te boe(re)n van half merte naestcomen(de) eene(n) t(er)mijn/ van negen jaren langh deen na dand(er) sond(er) middel volgende/ voe(r) en(de) om een seker so(m)me van pe(n)ni(n)gen d(aer)af hen de voirs(creven) gebrued(ere)n/ bekendden vanden voirs(creven) werne(re)n voe(r) v(er)nueght en(de) betaelt Met/ vorwerden dat de voirs(creven) werne(re) tvoirs(creven) lant ten eynde vanden/ voirs(creven) t(er)mijne sal moegen bloet laten en(de) dat hij jairlix dae(re)n/ bynnen betalen sal den tsijs en(de) co(m)mer d(aer) uut gaende sond(er) cost
//
oft last vanden voirs(creven) gebruede(re)n voerts es vorwerde dat de voirs(creven)/ gebruede(re)n den voirs(creven) werne(re)n ten uutgaene vanden voirs(creven) t(er)mijne/ goeden en(de) erven selen voe(r) hof en(de) he(re) in alle de voirs(creven) goede/ en(de) renten en(de) alsoe vele d(aer)toe te doen dat den selven werne(re)n/[en(de) zinen nacomelingen] vast en(de) seker zijn moege of hem alsdan tsijnre maniss(e) op te/ leggen en(de) te betalen twintich gulden pet(er)s rijd(er)s d(er) mu(n)ten etc(etera)/ of de weerde d(aer)af in ande(re)n goeden gelde alse v(er)volghde schout/ van welken pu(n)ten en(de) saken voirscr(even) de voirs(creven) gebruede(re)n hebbe(n)/ geloeft den voirs(creven) werne(re)n altijt genoech te doen en(de) recht/ warant te zijn tegen eene(n)yegeliken abs(oloens) prijke(re) aug(usti) xxvi