It(em) vand(er) aenspraken die jan hudsge als mo(m)boer pet(er)skens sijns soens/in zinen brode wesen(de) gedaen heeft tot gielisen de zwerte(re) soen/natuerlic amelrijcks de zwerte(re) van dat de selve gielijs den/voirs(creven) pet(er)kene soude hebben geslagen en(de) d(aer)na begoten bieden(de)/dat te thoene(n) vanden welken de voirs(creven) gielijs kynde tslaen/ontky(n)nende dbeghieten etc(etera) hebben de scepen(en) va(n) loeve(n) t(er) maniss(e)/smeyers gewijst voe(r) een vo(n)niss(e) na aensprake v(er)antwerde(n)/en(de) des voirs(creven) gielijs kynnen en(de) lyen dat de selve gielijs/den voirs(creven) ja(n)ne ter bet(er)nissen doen sal enen wech tstraesborch/en(de) d(er)waert porren bynne(n) xl dagen en(de) goede wairheit d(aer)af/bringen na der stad recht cor(am) roelofs abs(oloens) opp(endorp) velde pryke(re)/aug(usti) xxvii sdijsd(aighs)