SAL7748, Akte: V°23.1 (201 van 1672)
Akte V°23.1
Act
Datum: 1454-07-24
Taal: Nederlands
Transcriptie
2012-03-15 door Jos JonckheerItem van alle alsulken stooten ende geschillen alse opv(er)staen ende/geresen wae(re)n tuschen robbeerte diericx geheten van raesborne/in deen zijde berne(re)n van lille zijnen swag(er) in dande(re) en(de) goirde/pet(er)cels inden name van hem en(de) a(n)nen zijnre moed(er) zust(er) des/selfs robbeerts die de selve hoe(r) soen hier inne geloeft heeft te/vervaen in de derde zijde Alse van alle alsulken goeden beide/van haven en(de) erven als hen bleven en(de) verstorven zijn ende/ongedeelt uutstaen na en(de) vand(er) doot jans wilen dierix gehete(n)/van raesborne vad(er)s svoirs(creven) d robbeerts en(de) voirt van allen ande(re)n/saken en(de) geschillen tuschen hen uutstaende uutgenomen vanden/twee poenten hier na volgende die tuschen den voirs(creven) b(er)ne(re)n en(de)/goirde en(de) [met a(n)nen] zijnre moed(er) selen bliven uutstaende op beloop van rechte/te weten deen point vanden hond(er)t cronen die de voirs(creven) a(n)ne/gehadt soude hebben d(aer)af b(er)ne(re) eyscht tvie(re)ndeel en(de) dand(er) point/vanden twee mudde corens lijfpens(ien) die de voirs(creven) wilen jan in/zijnen uut(er)sten wille den voirs(creven) b(er)ne(re) en(de) zijnen wive soude hebbe(n)/gemaect hebben hen de voirs(creven) drie p(ar)tien verbonden ende/gesubmitteert in segge(re)n en(de) minlike yffene(re)n te weten de voirs(creven)/robbeert in ja(n)ne vand(er) beke briede(re) in de dorpst(ra)te en(de) ja(n)ne/zoeten meye(r) te heverle en(de) de voirs(creven) b(er)ne(re) in goessene vander/stoct van berthem en(de) de voirs(creven) goird in jacobpe leesens van/egenhove in alsulk(er) vuegen en(de) manie(re)n dat elc p(ar)tie/den voirs(creven) segge(re)n sijn bescheid eysch en(de) thoeniss(e) ov(er)geven en(de)/doen sal in gescrifte oft and(er)s tuschen dit en(de) ons(er) liev(er) vrouwe(n)/dach half oeght naestcomen(de) welke segge(re)n en(de) mi(n)like yffene(re)n/tselve bescheid en(de) thoeniss(e) aengehoirt hebbende hoe(r) uutsprake/en(de) goetdu(n)cken vand(en) voirs(creven) stooten en(de) geschillen doen ende/uutspreken selen bynnen xiiii nachten dan d(aer)na volgende/of zij des eens worden Ende oft zij des niet eens geworde(n)/en consten So selen de selve segge(re)n tbescheid en(de) thoeniss(e) vand(en)/voirs(creven) geschillen bringen voe(r) scepen(en) van loeven om d(aer)af een/wettich vo(n)nis en(de) uutsprake te hebben Ende oft e(n)nig(er) p(ar)tien/segg(er) gebrake so sal hij in die stad eene(n) ande(re)n geliken moege(n)/nemen sond(er) argelist Gelovende de voirs(creven) p(ar)tien vast etc(etera)/oppend(orp) velde julii xxiiii
Nagekeken door: Inge Moris
Moderator: Inge Moris
Schepenen
- Joannes Oppendorp
- Arnoldus vanden Velde
Laatste update:: 2012-03-15 door Inge Moris