It(em) van alsulk(er) aenspraken als henrick coulon alse geleidt tot den goeden/katlijnen willecocx weduwe jasp(er)s wilen de man en(de) henrix hoirs/zoens gedaen heeft tot arnde crueselijns Alse vanden vliegenderve/dat katlijne wilen geldens brachte aenden voirs(creven) arnde hoe(re)n man/doen zij hem te huwelike nam van welken vliegenderve de voirs(creven)/geleidde yesch de helicht want de selve katlijne te voe(re)n getruwt/hadde wille(m)me willecox wettich brued(er) d(er) voirs(creven) katlijnen hebben/de scepen(en) van loeven t(er) maniss(e) smeyers gewijst voe(r) een vo(n)niss(e)/na aensprake en(de) verantw(er)den van beiden p(ar)tien dat de voirs(creven)/arnd de voirs(creven) goede bringen sal ten sterfhuise tsijnre eed dat/hij dier niet meer en heeft gehadt en heeft noch en weet en(de)/dae(re)nteynden recht Cor(am) roelofs abs(oloens) oppend(orp) prijke(re) julii xx