Cond zij allen lieden dat rombout lauwers van raemsdonck in teg(enwoirdicheit)/ d(er) scepen(en) van loeven gestaen heeft genomen en(de) bekend dat hij/ genomen heeft van brued(er) janne van heestert canonic regulier/ sgoidshuis van beethleem alse voirgang(er) sgoidshuys vande(n)/ elfdusent maeghden te loeven op de halfstrate vijf boend(er)/ond(er) wynnende land beemd en(de) weyden de goede des selfs/ goidshuis vand(en) elfdusent maeghden hier na genoemt te/ weten ierst een stucke houdende ond(er) wynnen(de) land beemd/ en(de) weyden vijf boend(er) of d(aer)omtrint geheten tgoet te puttaerts/ gelegen inde p(ro)chie van wildebroeck It(em) voirt een half boend(er)/ beemts of d(aer)omtrint gelegen ald(aer) in staeyenbroeck Te houde(n)/ te hebben en [hebben en(de) te] gebruycken en(de) te wynnen te [van] kersmisse lestleden eene(n)/ t(er)mijn van neghen jae(re)n lang deen na dand(er) sond(er) middel volgen(de)/ Elcx jaers dae(re)n bynnen voe(r) en(de) om neghen [gulde(n)] schilde brabants/ te wetene vijfthien stuv(er)s beide d(er) mu(n)ten sh(er)togen van bourg(oignen)/ en(de) van brabant goet en(de) ghinge d(aer) voe(r) elken schilt voirscr(even)/ gerekend te kersmisse te betalen alle jare en(de) te loeven int/ voirs(creven) goidshuys te leve(re)n alle jare den voirs(creven) t(er)mijn due(re)nde/ en(de) telken t(er)mijne alse vervolghde schout Ende es hier inne/ ond(er)sproken dat de voirs(creven) romboud gheen opgaende hout/ op te voirs(creven) goede staende of wassende en sal moegen houwe(n)/ en(de) dat zij van malcande(re)n selen moegen scheyden op/ dat e(n)nigen van hen gelieft tallen drie jae(re)n by alsoe/ dat de ghene die scheiden wilt den ande(re)n dat een jaer/ te voe(re)n kundigen sal moeten Cor(am) roelofs abs(oloens) julii xxviii