It(em) vanden gedinge dat geweest es voe(r) meye(r) en(de) scepen(en) van loeven(en) tussche(n)/gielisen de moer in deen zijde en(de) henrick(en) va(n) ruysbroeck in dandere/Alse van ongebruycke dat gielijs henrick(en) dade aen omtrent v dachmael/lands gelegen in ii stucken die hij gecocht hadde tegen de mo(m)boren/vand(en) groote(n) gasthuyse alhier van welken goeden die de voirs(creven) gielijs/wael ov(er) xl jaren te pacht gehouden hadde tsjaers om een mudde/rogs de selve gielijs yesch de vruchten d(aer) [op] staende op zijne(n) pacht of ten/ut(er)sten zijn ploegh recht want hij die gewonne(n) en(de) besaeyt hadde/also hij boet te thoene(n) d(aer) op de voirs(creven) henrick ond(er) dande(re) dede seggen/dat gielijs d(aer)mede v(er)doolt wae(re) want hij selve d(aer)af besaeyt hadde/iii dach(mael) met g(er)sten dwelc hij boet te thoene(n) en(de) gielijs genoech kynde/m(er) seyde dat hij tselve land bedreven hadde met twe voere(n) en(de) doen/ghinght henr(ick) besaeyen en(de) also meynde gielijs dat hem sijn vore(n) volgen/souden So hevet tvo(n)niss(e) d(er) scepen(en) van loeven(en) gewijst dat den voirs(creven)/gielisen sijn ploeghrecht volgen sal na taxacie van goede(n) manne(n) hen/des v(er)staende Cor(am) roel(ofs) opp(endorp) velde pryke(re) julii pe(nulti)[ma]