SAL7751, Akte: R°56.2 (429 van 3044)
Akte R°56.2
Act
Soort akte: kwitantie
Soort akte: kwitantie
Datum: 1457-08-12
Taal: Nederlands
Transcriptie
2011-04-05 door Jos Jonckheerquinten van nype en(de) zijn medebrued(er)s/It(em) Na dat biden rade vander stad alhier comen zijn quinten van nype/t(er) eenre zijden en(de) henric en(de) symoen van nype alle drie gebruede(re)n kynde(re)n /marien weduwe jans wilen vanden nype en(de) jan kooye zwag(er) der voirs(creven)/gebruede(re)n opdoende de voirs(creven) quinten dat and(er)wile tusschen hen ov(er)dragen/wae(re) geweest dat de voirs(creven) quinten de voirs(creven) moeder houden soude met/hue(re)r haven ende dat elc vanden kynde(re)n die zeke(re) p(ar)cheele van hue(re)n/erve daer zij hue(re) tocht aen hadde aensloegen den voirs(creven) quinte(n)ne tot/des houdens behoeff jaerlicx opleggen soude ii pet(er)s etc(etera) Daer inne/de voirs(creven) drie persone gebreckelic wae(re)n bege(re)nde de voirs(creven) quinten zijnre/aermer moed(er) daer inne versien te werden etc(etera) den voirs(creven) drien personen/daer op andwerdende seiden dat vorwerde was dat elc van hen met/jaren en(de) geboirten de voirs(creven) weduwe houden soude en(de) dat die e(n)nige/have van hue(r) hadden oft sculdich wae(re)n dat die daer toe te hulpen/en(de) tafslage comen soude welker vorwerden de voirs(creven) quinten die meest/sculdich wae(re) niet na gevolght en was maer de selve vorw(er)den/gebroken hadde biedende van des(en) poenten hue(re)r andwerden hue(re)n eed/want d(aer) nyemant by geweest en wae(re) p(rese)nte(re)nde noch te doen wes der/stad redelic dochte So es de reden(en) vanden p(ar)tien int lange aengehoirt/ov(er)dragen get(er)mineert en(de) tusschen de voirs(creven) p(ar)tien vander stad wegen/uutgesproken dat de voirs(creven) quinten de voirs(creven) weduwe daer zij nu es by/hem houden sal en(de) hue(r) guetlic doen zo hij naest kan en(de) dat hem/volgen sal derve der selver weduwen daer zij aengetocht es hue(r)/leven langh ende dat ter stont also aenveerden en(de) oic de have der/voirs(creven) weduwen toebehoren(de) of dat de voirs(creven) drie p(er)sone hem tot/der houdeniss(e) behoeff zond(er) vertreck daer voer nu [selen] opleggen sullen [elc] ii/pet(er)s en(de) also voert [jairlix] also lange de voirs(creven) weduwe leven en(de) hij die/houden sal Behoudelic and(er)s den voirs(creven) p(ar)tien derflicheit vand(er) voirs(creven) /tocht en(de) elken zinen goeden rechte dit geschiede p(rese)ntibus inde abs(oloens)/substituto dyeven burg(i)m(a)g(ist)ris et aliis de (con)silio martii a(nn)[o] lvii fe(r)ia vi aug(usti) xii
Nagekeken door: Inge Moris
Moderator: Inge Moris
Schepenen
- Jaspar Absoloens
- Vranck van Dieven
Laatste update:: 2011-04-05 door Inge Moris