Item joncfr(ou) katline weduwe svors(creven) wilen henricks van halmale heeft geconsenteert/dat de vors(creven) jan metten vors(creven) brieve hem doen beleiden tot des selfs wilen henr(ix)
//
goeden have ende erve om hem dair mede te behulpen dat hij betaelt worde/van des de vors(creven) wilen henrick hem deughdelic sculdich bleven es ende dat/hij costeloes gehouden ende ontslagen worde van alle dair voe(r) hij voe(r)/den selven wilen henricken gesproken ende v(er)antw(er)t heeft ende/dat hij voerts de geheel goede beide have ende erve der weduwen/dair mede doen volgen hare leefdaghe langh ende na hair doot/de goede van hue(re)n wegen gecomen ende de helicht vanden v(er)cregen(en)/goeden den vrienden der selv(er) weduwen ende de erfgoede van hairs/vors(creven) mans wegen gecomen ende dander helicht van zinen vercregen(en)/erfgoeden zijnen vrienden dair op die sculdich waren te comen oft/hij wettich wae(re) geweest Behoudelic dat de vors(creven) weduwe met hue(re)n/stocgoeden ende hue(re)r helicht vanden vercregen(en) goeden sal moegen hue(re)n/wille doen als de vors(creven) jan betaelt ende gelost es van zijnre schout/ende borchtochten voirs(creven) wijtvl(iet) cok(eroul) oct(obris) xvi a(nn)[o] lix