Item katlijne weduwe goirds wilen spapen heeft ov(er)gegeven en(de)/quijtgeschouden inden name en(de) tot behoef galoys hairs zoens/te voe(re)n uut hoe(re)n broode gedaen symoens de smet peters van/ hoevelde hoeberge jans van guetrode ende jans van holede/alle vie(r) swage(re)n des voirs(creven) galoys en(de) behuwde zoenen der voirs(creven)/katlinen Alle alsulken tocht of recht als zij hadde in alle en(de)/yegewelke goede acht(er) den voirs(creven) wilen goirde hoe(re)n ma(n)ne gebleve(n)/bekynnende de voirs(creven) katlijne hair gheen recht d(aer)aen meer te/hebben of te behouden in e(n)nig(er) manie(re)n Behoudelic dien dat/zij hair leefdage langh hebben sal en(de) behouden tsestedeel va(n)/allen den oefte opte voirs(creven) goede jairlix wassende ende/hoir gebruyck vander woeni(n)gen met de hoefkene dair zij/nu in woent gelegen te wynghe de welke zij houden sal va(n)/wende en(de) dake wel en(de) loflic alsoe lange hae(r) d(aer)inne gelieft/te woenen en(de) dat zij desgelijx oic hebben en(de) gebruycken/sal hoe(re) leefdage langh een eeusselken geheten ten opstalle/gelegen te wynghe en(de) d(aer)af en(de) vand(er) woeni(n)gen voirg(enoemd)/zelen de voirs(creven) hoe(re) kynde(re) den chijs betalen zond(er) der/voirs(creven) moed(er) cost of last Toeseggende voerts de selve katline/dat [zij] de have en(de) vliegende erve die zij nu heeft oft gecrigen sal/den voirs(creven) hoe(re)n kynde(re)n na haer doot te gelike sal laten zond(er)/dairaf den eenen kynde voe(r) den ande(re)n yet te versien voe(r) uut/te maken of te versien geven uutgenomen dat zij die oft/zijs behoeft sal moegen verthe(re)n en(de) orbe(re)n thae(re)r nootdorft/zonder argelist kersmake(re) cokeroul aug(usti) xx