Joes der weduwen Willem de cuype(re)/ Also als joes der weduwen meye(r) tot grymb(er)ghen aengesproken heeft voe(r) meye(r) en(de) s(in)tepet(er)sma(n)ne van / loven(en) wille(m)me de cuype(re) s(in)te pet(er)sma(n)ne ald(air) zeggen(de) de voirs(creven) meye(r) dat hij den voirs(creven) wille(m)me in hachten/ gedaen en(de) gecalengeert hadde tot grymb(er)ghen uut dien dat de voirs(creven) willem die vleeschouw(er) ald(air) es en(de)/ dagelicx sloege half de peynsen die hem vielen niet en bereidde en(de) ter merct en bestelde na de statute en(de)/ ov(er)drage dairaf van over vele jae(re)n zijnde en(de) nu bynne(n) ii of i(½) jae(re)n h(em)w(er)ts v(er)nuwt ende gecundicht/ Mids den welken hij verboert hadde na den zelve(n) statuyte eene(n) lichten guld(en) Bege(re)nde hem dien op/ geleeght te worden tot sh(er)scaps behoef also dat voert tstatuyt ond(er)houden worde ten gerieve vanden/ ingeseten(en) en(de) ande(re)n aldair lidende of v(er)ke(re)nde Den voirs(creven) willem(me) d(air) op antw(er)den(de) ond(er) den and(ere)n dede/ seggen dat de voirs(creven) meye(r) themw(er)t v(er)doolt wae(re) mett(er) aenspraken voirs(creven) oft e(n)nighen koe(re) alsoe te/ moegen bedingen na de h(er)licheit onss gened(ichs) h(ere)n en(de) den rechte zijnre stad van loven(en) hem des/ gedragen(de) tot vo(n)niss(e) en(de) rechte etc(etera) So es na voergaende behoirlic maniss(e) tvo(n)niss(e) van s(in)te/ pet(er)sma(n)nen gegaen geliefde den voirs(creven) meye(r) van grymb(er)gen yet te eyschen dat hij hem also sterck/ maicte dat dat gevordert worde na recht Na den welken ter stont den meye(r) van loeven(en) ae(n)spreken(de)/ den voirs(creven) wille(m)me genoech ind(er) manie(re)n voirs(creven) en(de) na dat de voirs(creven) willem geantw(er)t hadde int p(ri)ncipael/ zeggen doende dat alsulken statuyt niet en wae(re) en(de) zoude oic met allen onredelic zijn want tgoet/ dicwile stinckende en(de) v(er)derflic zoude worden Ende desgelike en wae(re) elders in desen goede(n) lande/ niet in dorpen vryheiden oft steden zund(er)linghe dat yeman bedwongen wae(re) al oft half de peynse(n)/ die hem van slaene v(er)vielen te bereiden en(de) also te v(er)copen Zeide oic dat van geliken questie geresen/ was tuschen den meye(r) voirs(creven) en(de) eene(n) poirte(r) voirs(creven) van bruessele en(de) de zake comen(de) voe(r) de stad van/ bruess(el) Zo sette de stad de zake int ambacht vanden vleeschouwe(re)n aldair die den poirte(r) d(air)aff/ quijtgeseeght hebben Hopende mids dien en(de) meer and(ere)n reden(en) d(air) af ongehouden te wesen en(de)/ niet gebroect te hebben etc(etera) Ende van byden voirs(creven) s(in)tepet(er)sman(ne) aensprake en(de) v(er)antw(er)den Hieraf/ aengehoert en(de) gemaendt vanden rechte hebben de zake met henren vo(n)niss(e) gesett ind(er) stad/ handen en(de) tot der zelver stad t(er)mi(n)acien Behoudelic dat de voirs(creven) s(in)tepet(er)sman dae(re)ntusschen/ ongepraemt bliven zal en(de) in vreden Act(um) cor(am) k(er)smake(re) jasp(ar) absoloens borchoven opp(endorp) et/ aliis ho(m)i(ni)bus s(an)c(t)i petri aug(usti) viii