Nae dien op heden inde banck voir meye(re) en(de)/ scepen(en) zijn geco(m)pareert de p(ro)cur(eur) hee(re)n wouters henrici/ proefsts van mabeugen ter eend(er) en(de) willem van/ lele als p(ro)cur(eur) willems cluetings no(ta)r(is) der univ(er)siteyt/ van loven(e) ter ande(r) zijden uuyt saken van seke(re)n/ diffe(re)ncien en(de) gebreken die zij uuytstaen(de) hebbe(n)/ gehadt van huer(er) beid(er) erven bij eene(n) gelege(n) inde/ nyeustrate tande(re)n tijden int langhe bijden selve(n) p(ar)tien/ opgedaen Ald(aer) de p(ro)cur(eur) vanden voirs(creven) p(roe)fst te/ kynne(n) gaf hoe dat hij gevisiteert hadde met zijne(n)/ raide inden name van zijne(n) meest(er) alsulken/ redulle als der stadt meest(er)s voir huer advijs/ ov(er)gegeve(n) hadden in handen vand(er) wet vanden/ selve(n) gebreken seggen(de) zijn co(n)clusie en(de) voirneme(n)/ nae dien dat hij de selve int langhe wel gesien/ en(de) verstaen hadde dat hij inden name als bove(n) mett(er)/ selver cleerniss(en) en(de) avisame(n)te bij hen in dien opde/ voirs(creven) gebreken gecleert en(de) geadviseert te vreden/ was die in allen hue(re)n pointe(n) en(de) stucken te acht(er)volgen(e)/ en(de) hen d(aer)nae te richten(e) Beg(eer)de alsoe de voirs(creven) zijne/ wed(er)p(ar)tie wa(n)t de selve meest(er)s dat gedaen hadden/ nae seke(re) vo(n)nissen d(aer)van inde banck gewesen tussche(n)/ de voirs(creven) p(ar)tien als dat zij de selve meest(er)s d(aer)toe/ neme(n) souden en(de) verstaen om vanden selve(n) pointe(n)/ hue(r) cleernisse en(de) advijs te setten soe zij bevi(n)den/ soude(n) behoiren(de) en(de) dae(re)ntynden tselve bringe(n) bijd(er)/ wet om d(aer)af voirts gedaen te wordden(e) soe behoi(r)en/ soude soe zij oic gedaen hadden d(aer)toe alsoe met/ rechte ond(er)wesen te wordden de voirs(creven) cleernisse/ te acht(er)volgen(e) wa(n)t zij insgelijcx de copie vand(en)/ selven avisame(n)te gehadt hadden nae dov(er)bringe(n)/ der selver stadt meest(er)s D(aer)op de wed(er)p(ar)tie verstaen(de)/ tvoirneme(n) vande(n) voirs(creven) proest heeft gealleg(eer)t en(de)/ geseet hoe dat zij insgelijcx gevisenteert hadde/ en(de) wel verstaen davisame(n)t en(de) concept vand(en)/ meest(er)s voirs(creven) en(de) was wel te vreden nae/ dien dat zij bevonde(n) dat de voirs(creven) hue(r) wed(er)/ p(ar)tie daer gheene nyeuwich(eit) noch zwaricheit
//
inne en maicte inde selve avisame(n)te en(de) co(n)cepte/ te consente(re)n Beg(eer)de oic insgelijcx als bove(n) de/ selve d(aer)toe met rechte ond(er)wesen te wordden/ tselve alsoe te doen(e) versueken(de) d(aer)af in wed(er)/ zijd(en) dmanisse vand(en) meye(re) en(de) wijsdo(m)me van/ scepen(en) Es gewesen bij den scepen(en) van loven(e) d(aer)op/ gemae(n)t zijnde bij den meye(re) wa(n)t p(ar)tien in wed(er)/ zijden consente(re)n malcande(re)n int v(er)clee(re)n avisame(n)te/ en(de) uuytspraken d(er) stadt meest(er)s bij gescrifte ov(er)gegeve(n)/ aengaen(de) hue(re)n geschillen dat zij d(aer)af naevolgen(de)/ der selv(er) sculdich sullen sijn malcande(re)n vestich(eit)/ en(de) zekerheit te doen(e) voir scepen(en) van loven(e)/ alsoe dat ter besorcheniss(en) van eene(n) yegeliken/ sal moegen dienen(de) sijn In sca(m)pno febr(uarii) penult(ima)/ de(m)pt(is) pynnock hove febr(uarii) penult(ima)