Tusschen gheerde van diest porte(r) van diest des(er) stadt/ die alhier bescreve(n) hadde de besetters van bierbeke/ uuyt dien dat hij meynde dat zij hem hoog(er) hadde(n)/ gesedt ter beden dan hij sculdich was te geven(e) wa(n)t/ al mocht zijne huysvrouwe daer gesete(n) zijn en(de) luttel/ genyets opde gemeynte met zijne(n) beeste(n) ald(aer) hebbe(n)/ dwelc nochtan ze(r)e sober was soe was hij nochtan/ een scamel a(m)bachts man geseten bynne(n) des(er) stadt/ die zijn broot hier bynne(n) dagelijcx wynne(n) moeste/ en(de) en qua(m) te bierbeke bij zijnd(er) huysvrouwe(n)/ niet bove(n) de weke eens mits den welken hij/ hoopte van zijne(n) bedrive dwelc hij hier bynne(n)/ hebben mochte o(n)gehouden en(de) te gestaen(e) als een
//
van bynne(n) neetmyn van zijne(n) bedrive te bierbeke/ dwelc alsoe hij seyde niet weert en was bove(n) de drie/ pet(er)s p(rese)nteerde hij hen te betalen(e) dobbel poirt(er)s bede/ ter eend(er) zijden Ende de voirs(creven) bedesetters die ter/ contra(r)ien sustineerden dat zij hem niet dan te rechte/ gestelt en hadde(n) wa(n)t zij p(rese)nteerden bij eede te clee(re)n/ dat zij hem van zijne(n) bedrive hier bynne(n) niet/ en hadden gestelt mair alleen(e) van zijne(n) bedrive/ te bierbeke ter ande(r) zijden Es get(er)mineert soe v(er)re/ de selve bedesetters clee(re)n bij hue(re)n eede dat zij den/ selve(n) gheerde nae hue(re) uuyt(er)ste beste gesedt/ hebbe(n) alleen(e) van zijne(n) goeden ende bewinde te/ bierbeke gelege(n) ende niet van zijne(n) bewinde/ van hier bynne(n) [sonder] d(aer)inne te scuylen(e) e(n)nige dissi(mu)lacie/ dat alsoe sculdich sal sijn te betalen(e) In (con)s(ili)[o]/ februarii ulti(m)a